اڄ تائين توهان صرف مائوس کي ڪمپيوٽر ۾ لڳل ڏٺو هوندو پر اڄ آئون توهان کي هڪ اهڙي مائوس جي باري ۾ ٻڌائيندس جنهن ۾ هڪ مڪمل ڊيسڪٽاپ ڪمپيوٽر موجود آهي. ۽ هن مائوس کي کيسي ۾ رکي ڪٿي به کڻي وڃي سگهو ٿا. جي ها ، هي انوکي ڊوائيس پولينڊ جي هڪ Prezmyslaw Strzelczyk نالي ڪمپني تياري ڪئي آهي جيڪا ڏسڻ ۾ ته هڪ عام ڪمپيوٽر مائوس اچي ٿي پر ان ۾ هڪ مڪمل ڪميپوٽر نصب ٿيل آهي. مائوس باڪس نالي هن ڊوائيس ۾ ڪواڊ ڪور پروسيسر، وائي فائي ۽ 128 جي بي اسٽوريج جي سهولت موجود آهي ۽ توهان ڪٿي به هن ڪنهن مانيٽر اسڪرين سان لڳائي پنهنجو ڪم شروع ڪري سگهو ٿا. ۽ هن کي هڪ عام ايچ.ڊي.ايم.آءِ ڪيبل سان مانيٽر سان ڳنڍي سگھجي ٿو. هن ڊوائيس ۾ هڪ بيٽري به لڳل آهي جنهن سان ڊوائيس کي پاور ملندو رهي ٿو جڏهن ته بيٽري چارجنگ پيڊ جي ذريعي چارجنگ ٿيندي رهي ٿي. ڪمپني جو چوڻ آهي ته شروعات ۾ هن ڊوائيس جو پروٽو ٽائپ ورزن متعارف ڪرايو ويو جڏهن ته پوءِ ان جي پيداوار وسيع پيماني تي ڪئي ويندي.
