زندگي

[جاويد نواز]

غزل

زندگي آٿت تلاشي ٿي اڃان
روح لئي راحت تلاشي ٿي اڃان

اڄ به مومل هيکلي محلات ۾
راڻي جي چاهت تلاشي ٿي اڃان

گل گلابن جا کڻي هي هيکلي
آس جي تربت تلاشي ٿي اڃان

سامراجي سوچ کي موڙي ڇڏيان
دل اُها طاقت تلاشي ٿي اڃان

جواني ۾ نوڙي نه رب جي در اڳيان
پيري ۾ نوڙت تلاشي ٿي اڃان

اڄ به موهن جي دڙي جي نرتڪي
نچڻ جي حسرت تلاشي ٿي اڃان

ڪو ته هن جي بُک کڻي پوري ڪري
نان کي غربت تلاشي ٿي اڃان

جاويد نواز​

 

[راشد علي چانڊيو]

بهترين غزل آهي

 

[MUHAMMAD ASIF BROHI]

زبردست