ڪتاب ”ڌرتيءَ جا ٽانڊاڻا“ سنڌي ٻاراڻي ادب جي ڀلوڙ شاعر ملهار سنڌي جي ٻاراڻي شاعريءَ جو مجموعو آهي، جنهن ۾ ٻارڙن لاءِ معلوماتي، دلچسپ ۽ نصيحت ڀَريا نظم آهن.
محترم ملهار سنڌيءَ جي شعري مجموعي ۾ اسان کي سنڌ جي سٻاجهڙن ٻارڙن جا مختلف روپ نظر اچن ٿا، مثلاً: هاريءَ جو ٻار، ٻهراڙيءَ جو ٻار، محنت ڪش ٻار، ڇولا وڪڻندڙ ٻار، اسڪول ڏانهن ويندڙ ٻار. ٻارن جا اهي سڀ ڪردار اسان جي سماج جي عڪاسي ڪن ٿا. هي ڪتاب سنڌي ادبي بورڊ پاران 2014ع ۾ ڇپايو ويو آهي.
