مرڻ کانپوءِ فيس بوڪ اڪائونٽ جو ڇا ٿيڻ گهرجي؟

اهو ته تمام بهترين ٿيندو ڇو گهڻو ڪري هتي سٺو پورهيو ٿيل هوندو آهي جيڪو َضايع ٿيو وڃي، پر مرڻ کانپوءِ اهو اڪائونٽ ائين جو ائين اپريٽ ٿئي اهو مشڪل آهي پر جي ڪو با ذوق ماڻهو هوندو ته پوءِ ممڪن آهي. بهر حال هڪ سٺي سوچ آهي.

 

آپشن نمبر 1 درست رهندو مري ويل ماڻهون جي سوچ ان جا خيال ان ارادو نه رهيا ته پوءِ اڪائونٽ کوليو رکڻ جي ڪهڙي ضرورت...يا ٻيو ان کي آپريٽ ڪندو ته به پنهنجا سوچ آهر خيال ونڊيندو نه ڪي مري ويل جي خيالن کي عام ڪندو...

 

فيس بڪ جو مقصد نئين دور ۾ نوان سماجي رشتا قائم ڪرڻ ۾ آساني پهچائڻ ، مٽن مائيٽن ۽ دوستن کي هن مصروف دور ۾ به هڪ ٻئي سان لاڳيتو رابطو رکڻ ۾ مدد پهچائڻ ۽ گهڻي فاصلي تي رهندڙ پيارن جي خير خيريت پهچائڻ وغيره آهي.

جڏهن انسان هن فاني دنيا مان لاڏاڻو ڪري وڃي ٿو ته سندس يادون، عمل ۽ سندس ڪيل خدمتون دنيا ۾ رهجي وڃن ٿيون.

فيس بڪ پاران پنهنجن اڪائونٽ هولڊرن کان سندن وفات کان پو اڪائونٽ جي حيثيت پڇڻ هڪ سُٺو قدم آهي.
منهنجي خيال ۾ وفات کان پو فوتي جو اڪائونٽ تبديل ٿي سندس نالي جو گروپ پيج بڻجي وڃڻ گهرجي ، جنهن جو ايڊمن اڪائونٽ هولڊر جو عزيز يا جنهن کي فوتي اهو حق ڏيڻ چاهي اهو بڻجي سگهي. اهڙي طريقي سان مرحوم لا سندس يار دوست ، مٽ مائيٽ جڏهن به چاهين سندس ياد ۾ ڪجهه به ارپنا ڪري سگهن ٿا.

ٻي اهم ڳالهه اها آهي ته سنڌ سلامت جي انتظاميه کي به هن اهم معاملي بابت سوچڻ گهرجي. ماشاالله هن فورم تي به هزارين رڪن موجود آهن.

جڏهن ڪنهن سينيئر رڪن جي وفات ٿي وڃي ته فورم لا ڪيل سندس خدمتون، سندس لکڻيون يا سندس ڪارگذاري وغيره کي سهيڙي هڪ اهڙي سيڪشن ۾ سندس نالي سان محفوظ ڪرڻ گهرجي جتي ٻيا رڪن سندس بابت ڄاڻي سگهن، کيس خراج تحسين پيش ڪري سگهن ۽ اهڙي ريت ان رڪن کي مڃتا ملڻ سان گڏ سندس يادون به هميشه تازيون رهنديون.

سنڌ سلامت تي مرحوم رڪنن جي ياد ۾ ڪو سيڪشن به بڻائي سگهجي ٿو يا ان بابت عام رڪنن کان صلاح مشورا وٺي ڪو مختلف لائحه عمل به جوڙي سگهجي ٿو.

 

منهنجي نظر ۾ اهو سٺو سوال آهي ته مرڻ کان پو فيس بڪ اڪائونٽ جو ڇا ٿيندو...... منهنجي خيال ۾ ان کي بند نه پر ان کي اوپن رکيو وڃي يا وري ڪنهن جي حوالي ڪيو ڇو جو ان فيس بڪ پيج تي ڪجهه نه ڪجهه سٺي معلومات ضرور شيئر ٿيل هوندي بجائ ان جي جو اهو مواد ختم ڪيو وڃي ان کي اڳتي شيئر ڪرڻ کپي.....