ڪرڪيٽ ورلڊ ڪپ جو سنسني خيز آغاز ٿي چڪو آهي.. پر پهرين ئي ميچ ۾ هڪ تماشائي لکن ڊالرن جو ڪيچ ۾ ڪامياب ٿي ويو.. نيوزيلينڊ ۾ ورلڊ ڪپ جي آغاز کان اڳ اعلان ڪيو ويو هو ته نيوزيلينڊ جي سمورين ميچن جي دورن بانڊري کان ٻاهران جيڪڏهن ڪو تماشائي هڪ هٿ سان ڪيچ پڪڙڻ ۾ ڪامياب ٿيندو ته ان کي لکين ڊالرز جو انعام ڏنو ويندو.. ان حوالي سان شوقينن لاءِ ضروري هو ته اهو اعلان ڪندڙ ڪمپني جي شرٽ پائي گرائونڊ ۾ اچي.. هن مقابلي جي خاص ڳالهه اها هئي ته اعلانيل رقم جو آغاز اڍائي لک ڊالرز کان هوندو جيڪا ڪوارٽر فائنل مرحلي ۾ ٽي لک، سيمي فائنل ۾ پنج لک ۽ فائينل تائين پهچندي 10 لکن تائين وڌي ويندي.. ۽ اڄ ورلڊ ڪپ جي پهرين ڏينهن ئي اعلان ڪندڙ ڪمپني کي حيران ڪندڙ جهٽڪو تڏهن لڳو جڏهن ڪمپني جي پاتل ٽي شرٽ ۾ موجود سجي گنڊا نيوزيلينڊ جي بيٽسمين ڪين وليمسن جي ڇڪي کي هڪ هٿ سان ڪيچ ڪندي پڪڙڻ ۾ ڪامياب ٿيو.. سنجي هن ميچ ۾ شريڪ ان هڪ هزار ماڻهن مان هو.. جيڪي ڪمپني جون شرٽس پائي آيا هئا.. ۽ اهڙي ڪيچ ڪري انعام کٽڻ جي خواهش رکندڙ هئا... ڇا توهان سنجي جي خوش ٿيڻ اهو شاندار منظر هن وڊيو جي صورت ۾ اصل نه ڏسڻ گهرندا..
