*** جسم فروش عورتون اسان کي ڪنهن نه ڪنهن موڙ ، چورنگي ، روڊ ، رستي ، پارڪ ۽ ڪنهن نه ڪنهن هنڌ جسم فروش ڪندڙ عورتون نطر اينديون آهن ، جن کي ٻين جي سامهون ته اسان وڏي هڪارت سان نه صرف ڏسندا آهيون پر ٺٺولين سان گڏ انهن کي غليظ جملن جا هار پارائڻ ۾ پنهنجو ڳاٽ اونچو سمجھندا آهيون . پر ان جي برعڪس اسان مان گھڻي ڀاڱي انهن سان پنهنجون راتون گذارڻ جا خواهشمند هوندا آهن ، جيڪي سرعام محفلن ۾ ، دوستن ۾ ، انهن کي خوار ڪرڻ ۾ به پنهنجو ڀرپور حصو وٺندا آهن. اسان ڪڏهن اهو سوچيو آهي ، ته عورت جي جسم فروشي ۾ ڇا صرف ان عورت جو قصور آهي ؟ جيڪا نه چاهيندي به ، يا ڪنهن مجبوريءَ جي عالم ۾ پنهنجو جسم ٻئي جي حوالي ڪري ٿي پوءِ جئين وڻي ان سان کيڏيو وڃي. اسان ڪڏهن اهو سوچيو آهي ، ته ڪٿي ان جي جسم فروشي ۾ اسان ته نه ڪو ڪردار ادا ڪري رهيا آهيون ؟ اسان کي ڪهڙو حق آهي ، جو ڪنهن جي عيبن کي اگھاڙو ڪري هن کي شرمسار ڪريون ، اسان پاڻ جيڪڏهن خدائي صفتون اختيار ڪريون ، ۽ پنهنجي رسول جي چوڻ تي هلون ، ته پوءِ تہ جيڪر ان قسم جو عورتون هجن ئي ڪونه... شيخ صاحب خان
