چٻرن وارو هوٽل کلي ويو…!

[جبار آزاد منگي]

سڄي دنيا ۾ ڪيٽ، ڊاگ ۽ پوءِ شيپ ڪيفي کان پوءِ هاڻي جاپان ۾ پنهنجي نوعيت جي هڪ نرالي ڪيفي کولي وئي آهي، جيڪا ڏينهون ڏينهن مشهوري ماڻي رهي آهي. جاپاني گاديءَ واري شهر ٽوڪيو ۾ کلندڙ ”فيڪورو نو مائز” يعني ”شاپ آف اولز“ نالي چٻرن جي ٿيم واري هيءَ ڪيفي چٻرن جي آماجگاهه آهي، جتي مقامي ماڻهن کي خوش آمديد چوڻ لاءِ هر نسل ۽ سائيز جا چٻرا موجود هوندا آهن. ان ڪيفي ۾ پاليل چٻرن جون خدمتون ورتيون ويون آهن، جتي اچ وڃ ۽ ڪافي پيئندڙ ماڻهن تي ڪرڙي اک پڻ رکندا آهن. ڪيفي جي ٿيم جي مناسبت سان هتي چانهه جي ڪوپن، پليٽن، بسڪوٽن ۽ ٻين ٿانون تي به چٻرن جون تصويرون ظاهري طور ڇپرايون ويون آهن. 2 هزارين (17 ڊالر) انٽري فيس جي لاءِ ان ڪيفي ۾ دير سان ايندڙ مهمان پنهنجي بڪنگ ۽ پيسن کان هٿ ڌوئي ويهندا آهن، ڇو ته ڪيفي کلڻ کان هڪ ڪلاڪ اڳ ئي هتي مهمانن جون ڊگھيون قطارون لڳي وينديون آهن، جيڪي اندر موجود چٻرن جي ديدار لاءِ آتا هوندا آهن، گراهڪ ٽيبلن ۽ هر هنڌ ويٺل چٻرن سان گڏ ويهي کين رجھائيندي ۽ کيڪاريندي چانهه ڪافيءَ جا مزا وٺندا آهن. جڏهن ته اها چٻرن واري ڪيفي جاپان ۾ ڏينهون ڏينهن مشهوري ماڻي رهي آهي.

 

[راشد علي چانڊيو]

عجب!!!!!

 

[مست]

ادا پاڻ واري ملڪ ۾ به چٻرا ڏاڍا وڌي ويا آهن، انهن کي ڪير اسيمبلين مان ڪڍي ته پوءِ انهن کي هوٽل تي ويهارڻ جو سوچينداسين

 

[راشد علي چانڊيو]

اسمبيلين وارا چٻرا ڪڏهن به ٻاهر نه ايندا

 

[بختاور ٽالپر]

سواءِ اسان جي ملڪ جي سڄي دنيا ۾ ويلفيئر سوچ رکندڙ ماڻهون امن پسند زندگي بسر ڪن ٿا ۽ ٻين جي عزت چاهي انسان هجي يا جانور يا پکي........ اسان وٽ جيلسي گهڻي آهي جنهن ڪري سٺا عمل ڪرڻ بجاءَ رڳو هڪٻئي جي ٽنگ ڇڪڻ ۾ پورا هوندا آهيون.....