آئرلينڊ جي اپ سيٽ جي روايت برقرار... نئون شڪار ويسٽ انڊيز

آئرلينڊ ۽ ويسٽ انڊيز جي مقابلي لاءِ چيو پئي ويو ته هتي هڪ اپ سيٽ ٿي سگهي ٿو.. ڇو ته ويسٽ انڊيز هن وقت پاڻ ئي اپ سيٽ آهي پر ڇا واقعي آئرلينڊ جي شاندار فتح کي اپ سيٽ سمجهجي..؟
جي ها گهٽ ۾ گهٽ 305 رنز جو ٽارگيٽ ڪاميابي سان ڪرڻ کان پوءِ ته واقعي هي غير معمولي فتح چئبي..
305 رنز جهڙو ٽارگٽ رڳو 46 اوور ۾ ٺاهڻ ۾ اهم ڪردار پال اسٽرلنگ، جوائس ۽ اوبرائج جو هو جن ورلڊ ڪپ 2007 ۾ پاڪستان 2011 ۾ انگلينڊ ۽ هاڻي 2015 ۾ ويسٽ انڊيز ۾ هارائڻ جو سلسلو برقرار رکيو..
آئرلينڊ ٽاس کٽي جڏهن ويسٽ انڊيز کي کيڏڻ جي دعوت ڏني ته سندن تنگ ڪندڙ بالنگ سان رڳو 87 جي اسڪور تي ئي ويسٽ انڊيز جا ٽاپ جا 5 رانديگر آئوٽ ٿي ويا.. اهڙي موقعي ته سمي ۽ سيمنز اننگ کي سنڀاليو .. ۽ پنهنجي شاندار بيٽنگ سان اسڪور کي 304 تائين پهچائڻ ۾ خوب ڪردار ادا ڪيو..
سيمنز جي 102 رنز ۾ 5 ڇڪا ۽ 9 چوڪا جڏهن ته سمي رڳو 67 بالن تي شاندار 87 رنز جوڙيون..
305 جو ٽارگٽ آئرلينڊ لاءِ آسان نه هو پر 2011 ۾ انگلينڊ ۽ هالينڊ کي 300 کان وڌيڪ ٽارگيٽ تي شڪست ڏيندڙ آئرلينڊ هي ٽارگيٽ به سولائي سان حاصل ڪري ورتو.. جنهن ۾ ڪردار نڀائيندڙ پال سٽرلنگ 84 بالن تي 92 جڏهن ته جوائيس 84 ۽ اوبرائين 60 بالن تي 79 رنز اسڪور ڪندي ويسٽ انڊيز جي بهترين بالنگ کي بدترين بڻائي ڇڏيو..

​

ياد رهي ته آئرلينڊ ون ڊي رينڪنگ ۾ سڀ کان آخري نمبرن تي آهي پر سندس سڃاڻپ اپ سيٽ ڪندڙ ٽيم طور مضبوط ٿي رهي آهي ... مسلسل ٽن ورلڊ ڪپ ٽورنامينٽس ۾ آئرلينڊ ٽن وڏين ٽيم کي هارايو آهي.. ۽ هاڻي ايندڙ مقابلن ۾ به مخالفن لاءِ خطري جي گهنٽي وڄائي ڇڏي آهي..

 

بس پوء ته اسان واري همراهن جو الائي ڇا ٿيندو ...

آئرلينڊ ڪمال ڪري ڇڏيو.

مڪمل اسڪور هن لنڪ تي.