• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

ڪيترو پئي لڳين منفرد، مختلف، تون به واکاڻ ۾ يار ڦاسي وئين

سليمان وساڻ

مينيجنگ ايڊيٽر
انتظامي رڪن
لائيبريرين
غزل

اياز گل

ڄار هو، ڄاڻ ۾ يار ڦاسي وئين
هائو تون پاڻ ۾ يار ڦاسي وئين

تون ته تلوار هئين ڪا تکي او پرين
وقت جي مياڻ ۾ يار ڦاسي وئين

ننڊ، سپنا، نھارون ئي وسري ويئي
ڪهڙي ڇڪتاڻ ۾ يار ڦاسي وئين

هي حياتي ته ٿوري هئي پيار لئه
ڇو رتو ڇاڻ ۾ يار ڦاسي وئين

تو ڏيڻ ۽ ورهائڻ جو سوچيو نه بس
آڻ ئي آڻ ۾ يار ڦاسي وئين

ڪيترو پئي لڳين منفرد، مختلف
تون به واکاڻ ۾ يار ڦاسي وئين

ڳوٺ کي جو ڇڏي، شهر جو رخ ڪيئه
ڪيڏي مانڌاڻ ۾ يار ڦاسي وئين​
 
هي ميار اسان سڀني ڳوٺاين لاءِ آهي جيڪي شهر اچي مانڌاڻ ۾ ڦاسي پيا آهيون. ذاتي طور اها خبر اٿئون ته هر روز ڪيترين خواهشن کي حسرتن جو ڪفن ويڙهي سُمهاريو ڇڏيون يا گهُٽو ڏيئي قتل ڪريو ڇڏيون پر وري به دُنيا جي نظرن ۾ وڏا ماڻهو.
وري به دُعا آهي ته سڀ خوش هُجن.
 
Back
Top