ميڊرڊ (ع آ نيوز) سڄي دنيا جي مخلتف ملڪن ۾ اهڙن ماڻهن جي گھٽتائي ناهي، جيڪي نوان نوان طريقا اپنائي تفريح ماڻيندا آهن، اسپين۾ سالياني ”فلور فائٽ فيسٽيول“ رٿيو ويو، جنهن ۾شهري گھٽين ۾ گڏ ٿي هڪ ٻئي مٿان اٽو هاري هڪ ٻئي جو ”اڇو منهن“ ڪيو، ان ويڙهه ۾ مردن ۽ عورتن خاص طور تيار ڪيل فوجي طرز جو لباس پائي شرڪت ڪئي، جڏهن ته اٽي کي ٿانون بدران پائيپن ذريعي پاڻيءَ جيان هڪ ٻئي تي وسايو ويو، ويڙهه ۾ اٽي سان گڏوگڏ بيدن ۽ ڦٽاڪن سان به هڪ ٻئي تي حملا ڪيا ويا، ٻڌايو ويو ته هي ٻه سئو سال پراڻو ڏِڻ آهي جنهن کي اڄ به شهري هر سال ملهائيندا آهن.
