جبار آزاد منگي
سينيئر رڪن
استانا (ع آ نيوز) وچ ايشيائي ملڪ قازقستان جي اتر ۾ هڪ ننڍڙي ڳوٺ ڪلاچي ۾ ننڊ جي پراسرار بيماري سبب کين لڏڻو پئجي ويو. بيماري بابت ٻڌايو پيو وڃي ته 2 سالن کان ڳوٺ ۾ ڊاڪٽرن کي به ان جي خبر ناهي پئجي سگهي ته ان جا ڪهڙا سبب آهن. ڊاڪٽرن موجب بيماري ورتل فرد اوچتو سمهي پون ٿا ۽ پوءِ ڪيترائي ڏينهن ستا پيا هوندا آهن. بيماري ۾ ورتل ماڻهن ۾ يادداشت جي گهٽتائي ٿي وڃي ٿي، جڏهن ته انهي بيماري کي sleepy hollow (وڏا خواب) جو نالو ڏنو ويو آهي. بيماري ورتل هڪ شخص ٻڌايو ته جيڪڏهن توهان اٿڻ به چاهيو ته نه اٿي سگهندو. اهڙي ريت ڳوٺاڻا انهيءَ پراسرار بيماري سبب لڏپلاڻ تي مجبور آهن. بيماري بابت راءِ آهي ته ڳوٺ يورينيم جي کاڻ جي ويجهو هئڻ ڪري اهڙي بيماري پکڙي آهي.