عبدالغفار سنڌي
سينيئر رڪن
مسجد الحرام جي امام ۽ خطيب شيخ صالح بن حميد مسلمانن تي زور ڀريو آهي ته اهي سوشل ميڊيا کي نيڪي، انساني جذبن ۽ قدرن، ڀلائي ۽ ٻين لاءِ محبت وڌائڻ لاءِ استعمال ڪن، سعودي اخبار جي رپورٽ مطابق مسجد الحرام ۾ خطبو پڙهندي هن چيو ته سوشل ميڊيا عيوض ڪيتريون ئي هاڪاري ۽ ناڪاري تبديليون نظر اچي رهيون آهن، جن مان ڪجهه تبديليون سٺيون ۽ فائديمند ۽ ڪجهه ناڪاري ۽ نقصان تي ٻڌل آهن، ضرورت ان ڳالهه جي آهي ته سوشل ميڊيا جي پليٽ فارم کي انسانيت جي ڀلائي، نيڪي، انساني جذبن ۽ قدرن ۽ ٻين لاءِ قرباني کي هٿي ڏيارڻ لاءِ استعمال ڪيو وڃي، هن چيوته جديد ميڊيا جاگرافيائي سرحدن کان مٿڀري آهي ۽ عام زندگي ۾ ان جو استعمال وڌي چڪو آهي، تنهن ڪري ضرورت ان ڳالهه جي آهي ته ان کي امر بالمعروف ۽ نهي المنڪر جي مقصدن لاءِ استعمال ڪيو وڃي. هن چيو ته نيڪي ۽ سچائي جا مقصد حاصل ڪرڻ لاءِ جديد ميڊيا جي استعمال ۾ ڪو هرج ناهي ۽ ان کي انهن مقصدن لاءِ اڳتي وڌائڻ جي ضرورت آهي.