ڪنٽيڪٽ لينس جو استعمال اڄ ڪلهه عام ٿي ويو آهي هن جي استعمال ۾ بي احتياطي شديد نقصان جو سبب ٿي سهگي ٿي. تائيوان جي هڪ شاگردياڻي به ان بد احتياطي سبب اکين جي نور کان محروم ٿي وئي آهي، ليان ڪائو نالي 23 سالن جي شاگردياڻي ڪنٽيڪٽ لينس اکين ۾ لڳائڻ کان پوءِ ڇهن سالن تائين نه ڪڍيو نه ئي وري صفائي جو خيال رکيو جنهن جي نتيجي ۾ سندس اک ۾ اڪينٿا ميبا نالي وارو ڪيڙو پيدا ٿي ويو. هن ڪيڙي اک جي مٿين سطح جي حصي کي پنهنجي خوراڪ جو نشانو بڻائي ڇڏيو جنهن سبب هو هميشه لاءِ انڌي ٿي وئي. ليان لينس اکين ۾ لڳائڻ کان پوءِ سمهڻ وقت، وهنجندي ۽ روزانو ڪم ڪار جي سرگرمين دوران لينس کي ڪڏهن به نه اکين مان ڪڍيو. ڊاڪٽرن جو چوڻ آهي ته گهڻي عرصي تائين لينس استعمال ڪرڻ سان اکين ۾ آڪسيجن ملڻ بند ٿي ويندي آهي ۽ ننڍا ننڍا زخم ٿي ويندا آهن جنهن ۾ بيڪٽيريا پيدا ٿي ويندا آهن. ڊاڪٽرن جڏهن اکين تان لينس لاٿو ته اهو ڏسي حيران ٿي ويا ته اک جي مٿئين سطح جي رينا حصي کي اميبا کائي ڇڏيو هو. ڊاڪٽرن هدايت ڪئي ته لينس کي هڪ ڏينهن ۾ اٺ ڪلاڪ کان وڌيڪ استعمال نه ڪيو وڃي.
