ڪافي

[عبدالعزيز لغاري]

اچ ته ڪريون ڪاڪ تي راڻا رهاڻيون
مونکي ڏک ۾ ڏينهن لنگهي ويا ٻيون راتيون وهاڻيون

ڪوٽ قصر ڪاڪ جا محل ٻيون ماڙيون
اچي نواز ته ٿين نيون جايون پراڻيون.

تولئه سوڍا سيج پلنگ تي رکيم سرهاڻيون
سي گادن مٿي گلن جون ڪليون ڪوماڻيون

تو لاء روشن ڪريان رات جو ڏيا ڏھاڻيون
سي بتيون تيل ڦليل جون اچي اُجهاڻيون

منهنجي ميڙ اٿئي “منٺار“ چئي لڄون نياڻيون
مونکي معاف ڪجان مينڌرا! ڪروڙ ڪاڻيون.



حضرت منٺار فقير راڄڙ رحه
کاڻي راڄڙ تعلقه کپرو