تائيوان جي جنگلن جو نظار توهان ڪڏهن ڪيو آهي ۔ نه نه مون کي خبر هئي ان ڪري اڄ انتظام ڪيو آهي توهان کي تائيوان جي جنگلن جي گهمائڻ جو دلفريب موسيقي سان گڏ ۔ بس هڪ ڪلڪ ڪريو http://www.youtube.com/watch?v=vBfKZZGyRpE
جواب: دنيا خوبصورت آهي ۔ منهنجي اک سان ڏسو موسيقي ننڊ ڪرڻ جهڙي، نظارا خوابي ۔۔۔ تصور ڪيو ته سنڌ آزاد ملڪ هجي ۽ انجي به ٿر تي جبلن تي ۽ ڍنڍن تي ۽ درياهه جي ڪنارن تي خرچ ڪيو وڃي ته ڪيترائي جنتي نظارا پئدا ٿي پوندا ۽ ڪيتريون ئي پرسڪون جڳهون جت وڃي ماڻهون سڪون جو ساهه کڻي سگهي پر جيستائين سنڌ غلام آهي، تيستائين پراون ملڪن جا نظارا ڏسي ئي دل خوش ڪجي ۔۔۔ ڇا خيال آهي ۔۔۔ ؟
جواب: دنيا خوبصورت آهي ۔ منهنجي اک سان ڏسو سائين سائين نثار ابڙا، مان ڪجهه ڏينهن پهرين صوبي بلوچستان تان ڀيرو ڀري آيس صوبي جي ننڍڙن علائقن کان وٺي ڪوئٽه ۽ بلوچستان جي خوبصورت وادي زيارت به وڃڻ جو اتفاق ٿيو، زيارت ۾ بلند بالا جبلن جون چوٽيون، ۽ انهن تي ڊگها ڊگها صنوبر جا وڻ ڏسي متاثر ضرور ٿيس، اپريل ۾ پنهنجي مٺڙي سنڌ ۾ ڪجهه گرمي هُئي پر جڏهن ڪوئٽه ويندي رستي تي صوبي بلوچستان جي سنڌي هُنڌن جي علائقي ڪول پُور ۾ پهتاسين ائين محسوس ٿيو ته سڀ ڪجهه هتي آهي تمام گهڻو متاثر ٿيس پر ڪا اهڙي دل ۾ چڻنگ ضرور اڀري رهي هُئي ته مان متاثر ته ٿيس پئي پر مطمئن نه پيو ٿيان۔ انهي ڪري جو وري به سنڌ جا وڻ ٽڻ، سنڌ جُون ٻنيون، سنڌ جا واهه، سنڌ جي ساوڪ مونکي اتي به سڀ کان اتم نظر پئي آئي، اجهو ٻه ڏينهن پهرين سنڌ جي هڪڙي تمام ننڍڙي شهر هوسڙي منهنجو وڃڻ ٿيو هوسڙي جا باغ سنڌ جا مشهور ترين باغ آهن، باغن جو نظارو ڪري شام جي پنجين وڳي، اتي هڪڙي تمام خوبصورت جا آهي جتي ٻه وڏا پپر جا وڻآهن سائيڊ ۾ يڪي ڊگهي ڄمن جي وڻن جي قطار وري ٻي سائيڊ ۾ انبن جا وڻ جنهن ۾ انبڙيون لٽڪي رهيون هُيون، اولهه پاسي ۾ هڪڙو وڏو پاڻيِ جو نار انهن نار جي لوٽن مان جڏهن پاڻي ڪريو ٿي سمجهيم ته ساري دنيا جي فطرت جو حُسن اصل هتي مڙي آيو آهي، اولهه پاسي وهندڙ لاڙ جي سُونهن ڦُليلي ۽ ڦليلي ۾ ملاحن جا ٻار ٻيڙي ۾ وهي سير ڪري رهيا هُئا جيڪي ٻه وڏا ڊگها پپر جا وڻ هُئا انهن وڻن تي پکين جي چُون چُون، انهن پکين مان هڪ ڪوئل جي ڪُو ڪُو ڪُو ڪُو، مونکي ائين محسوس ٿي رهيو هو ڄڻ اهو ڪوئل جِي ڪُوڪُو جو آواز ڪونه هو پر منهنجو ننڍڙي 6 سالن جي نياڻي ثنا جو آواز هُجي جيڪا مونکي ابُو ابُو ابُو ابُو جي آواز سان پُڪاري رهي هُجي سچ پُڇين ته نثار ابڙا بلوچستان جي صنوبر جي ڊگهن وڻن، صوفن جي وڻن تي ڦُٽيل اڇن گُلن، اتي جي ٿڌي موسم جي ڪري متاثر ضرور ٿيو هُئس پر هتي منهنجي مٺڙي سنڌ جي هڪڙي تمام ننڍڙي علائقي هوسڙي شهر جي باغ جي صرف هڪڙي حصي مونکي متاثر ته ڇا پر مونکي مطمئن ڪري ڇڏيو . واقعي سنڌ غلاميءَ جا ڏينهنڙا ڏسي رهي آهي پر سنڌ جي سُونهن سڀني کان سرس آهي، سنڌ جي سُونهن سڀني کان اتم آهي۔ الله سائين شال سنڌ جي هر چمن کي شاد ۽ آباد رکي (آمين)
جواب: دنيا خوبصورت آهي ۔ منهنجي اک سان ڏسو سائين اهڙو خرچ ٿئي يا نه ٿئي سنڌ ته اصل کان ابد تائين سهڻي آهي
