انگريزي اها ٻولي آهي جيڪا اسان جي جند (جان) سان لڳي پئي آهي. چٽاڀيٽيءَ واري امتحان لاءِ به انگريزي، ڀلي ڊگري وٺڻ لاءِ به انگريزي، جنهن کي انگريزي نه ٿي اچي اهو پنج منٽ پوئتي آهي، ڪمپيوٽر به آيو اهو به انگريزيءَ ۾، انٽرنيٽ آئي اها به انگريزيءَ ۾، موبائيل آئي سا به انگريزيءَ ۾ ۽ سڀ کان اهم ڳالهه جيڪڏهن ڪو ٻه ٽي لفظ انگريزيءَ جا نه ٿو ڳالهائي ته پوءِ پڪ سان اهو ڄٽ آهي. مان اهو سوچيندو هوس ته انگريزي ڪا منهنجي پيءُ ۽ ڏاڏاي جي ٻولي ته نه آهي جو مان ان سان ايترو مٿو ماري ڪريان. انگريزي گرامر سمجهڻ ۾ وڏو وقت لڳي ويو وري مٿان انگريزي مضمون، انگريزي پرسي، انگريزي پهاڪا، انگريزي ورجيس، انگريزي اُچار پڙهي پڙهي هت پهتاسين. ڇڙو اهو ٻڌڻ ۾ ايندو هو ته انگريزيءَ جو اصول پنهنجو نرالو آهي. (جڏهن پناهگير الطاف برطانيا پوليس هٿان هٿيڪو ڪيو ويو ته مَني لانڊرنگ جو لفظ سامهون آيو، مان سمجهو هو ته ڪو پيسا ڌوئي ڇڏيا اٿئي ڪنهن ڌوٻيءَ وانگي، پر جڏهن ڊڪشنري کولي ته مني لانڊرنگ جي معني آهي ته غير قانوني طور پيسا چَهُو ڪرڻ) نيٺ مان ڪنهن سهنجي طريقي جي ڳولها ۾ هيس ته انگريزي به سکي وٺان ۽ ان سان گهڻو مٿو ماري به نه ڪيان،
