* اديون عبد اللطيف چئي

'سنڌي شاعري' فورم ۾ عبدالرحيم گجراڻي طرفان آندل موضوعَ ‏17 مارچ 2015۔

  1. عبدالرحيم گجراڻي

    عبدالرحيم گجراڻي
    سينيئر رڪن

    شموليت:
    ‏21 اپريل 2014
    تحريرون:
    901
    ورتل پسنديدگيون:
    1,989
    ايوارڊ جون پوائينٽون:
    473
    ڌنڌو:
    استاد
    ماڳ:
    تنگواني ڪشمور
    ڪَاڪِ ڪَڙهِي وَڻَ وِئَا, ٻَرِئَا رَنگَ رَتَولَ
    تَو پُڄَاڻَا سُپَرِين ! , هِيَڙَي اَچَنِ هَولَ
    جَي مُون سِين ڪِيَءِ قَولَ, سَي سِگَها پَارِجُ سُپَرِين.

    سُرُ مُومَلَ رَاڻَو
    ،،،،،،،،
    ڏکين لفظن جي معني'
    ،،،،،،،،،

    ڪَڙهِي = پچي, جلي
    وِئَا = ويا
    ٻَرِئَا = جليا, سڙيا
    رَنگَ رَتَولَ = محلات, رنگين محل, بنگلا, ماڙيون
    هِيَڙَي = هنئڙي کي, دل ۽ مَنَ کي
    هَولَ = هيبت, ڊپ, دهشت, ڏهڪاءُ, خطرا, ڳڻتيون, وهم وسوسا
    ڪِيَءِ = ڪيئي
    قَولَ = اقرار, واعدا, وچن
    سِگَها = جلد
    ،،،،،،،،،
    بيت جو پس منظر
    ،،،،،،،،

    ~ ڪاڪ جلي وئي آهي, وڻ سُڪِي سڙي ويا آهن ۽ محل ماڙيون پڻ سڙن پيون.
    ~ او پرين ! تنهنجي وئي کان پوءِ منهنجي دل کي الائي ڪيترا خوف ۽ خطرا ورائي ويا آهن.
    ~ او محبوب ! جيڪي مون سان واعدا ڪيا هيئي سي اچي پورا ڪر.
    ،،،،،،،،
    سمجهاڻي
    ،،،،،،،،،

    جڏهن محبوب رُسِي ويندو آهي تہ عاشق پاڻ کي وڇوڙي جي باھ ۾ پچندي, پڄرندي ۽ جلندي محسوس ڪندو آهي ۽ اهيا باھ هر طرف لڳل ڏِسِبِي آهي.

    اڄ راڻو رُسِي ويو آهي تنهنڪري مومل کي ڪاڪ ۽ ان جا وڻ, گل ٻوٽا, دلڪش منظر ۽ محل ماڙيون سڀ سڙندي پڄرندي محسوس ٿي رهيا آهن.

    مومل چئي ٿي ؛ او راڻا ! تون هاڻي ڪڏهن بہ واپس ڪونہ ايندين, مون کي ڦٽي ڪري ڇڏيندين, مون سان سڀ سڱ ٽوڙي ڇڏيندين اهيي ۽ ان کانسواءِ الائي ڪيترا ٻيا بہ خوف, خطرا, ڊپ, وهم, وسوسا منهنجي دل کي وڪوڙي ويا هن.

    او پرين ! جلد موٽي اچ تون تہ مون سان سڄي زندگي گڏ جيئڻ ۽ مرڻ جا واعدا ۽ وچن ڪيا ها, سي سڀ توکان وسري ويا ڇا؟

    پنهنجو خيال رکندا ڪيو
     
    4 ڄڻن هيء پسند ڪيو آهي.
  2. رضوان علي جمالي

    رضوان علي جمالي
    سينيئر رڪن

    شموليت:
    ‏22 مئي 2011
    تحريرون:
    1,712
    ورتل پسنديدگيون:
    3,919
    ايوارڊ جون پوائينٽون:
    483
    ڌنڌو:
    سرڪاري نوڪر
    ماڳ:
    سنڌ ڌرتي جو ٻچڙو آهيان
    جڏهن محبوب رُسِي ويندو آهي
    چندن چُور ڪريج رتو منهن ڪهاڙ،
    سڄڻ ڏڄڻ مَ ٿئي رُسي سؤ سؤ وار. شيخ پرهياڙ
     
    4 ڄڻن هيء پسند ڪيو آهي.

هن صفحي کي مشهور ڪريو