هڪ تجويز

[محمد فھيم چنه]

جيئن ته هن فورم ۾ کوڙ سارا موضوع گڏ ڪيا ويندا آهن جيڪي سڀ تمام اھم ۽ وقت جي ضرورت پڻ آهن. هي سڀ موضوع فورم جي هر ميمبر کي ڄاڻ جو اڻمٽ خزانو مهيا ڪن ٿا ۽ سندن علم جي اڃ کي ڪافي قدر ضرور اجهائن ٿا. پر اسان جي اڪثر سنڌي ڀائرن کي ان سان گڏ مالي سهاري جي پڻ اشد ضرورت آهي خاص ڪري اهڙن ڀائرن کي جي پڙهيل لکيل ۽ آ.ٽي جي شعبي سان لاڳاپيل آهن پر بيروزگار آهن. انهن لاءِ هن گروپ ۾ هڪ الڳ موضوع روزگار رکيو وڃي جنهن ۾ روزگار جي موقعن کي هائلائيٽ ڪيو وڃي ۽ خاص طور تي آن لائن ڪمائڻ جي موقعن کي زير بحث آندو وڃي ته جيئن انهن تعليم يافته بيروزگار ڀائرن جو ڪجھ ڀرجھلو ٿي سگهي. ان ڏس ۾ ڪنهن به ميمبر وٽ اهڙي ڪا ڄاڻ هجي ته ضرور شيئر ڪري.

 

[رضوان علي جمالي]

ادا بهترين تجويز آهي

 

[عبيد ٿھيم]

سنڌسلامت تي روزگار متعلق هڪ سب فورم اڳ ۾ ئي موجود آهي. جنهن ۾ ڪافي تحريرون پڻ آهن، پر جيئن ته اهو سب فورم آهي ان ڪري اڪثر رُڪن هن طرف توجه نه ڏيندا آهن. اهو سب فورم سنڌسلامت روزگار جي نالي سان آهي. وڌيڪ وضاحت لا سب فورم جو لنڪ ۽ تصوير به موڪليان پيو.
سنڌسلامت روزگار

 

[رضوان علي جمالي]

هن کر جي نشانبر ڪري سب فورم کان الڳ ڪري فورم جي حيثيت ۾ آڻجي ته هوند بهتر ٿيندو، جنهن ۾ مختلف کاتن ۾ نوڪريون يا پروفيشنل ڪاليجن ۾ داخلائون جو جنهن به دوست کي ڄاڻ ٿئي ته اهو هتي سڌي طرح ونڊ ڪري.

 

[رشيد سمون]

توڙي جو توهان جي تجويز تي اڳ ئي عمل پيرا آهيون.. پر ادا رضوان جي مشوري سان پڻ سهمت ڪجي ٿو... جلد تبديليون عمل ۾ آڻبيون..

 

[محمد فھيم چنه]

اهو ٻڌي تمام گهڻي خوشي ٿي ته روزگار جي نالي لنڪ اڳ ۾ ئي موجود آهي پر بقول ادا عبيدالله جي ته اهو سب فورم آهي ان ڪري ان کي الڳ ۽ نمايان انداز ۾ رکڻ جي ضرورت آهي. ۽ ادا رضوان علي جمالي جي صلاح سان متفق ٿيندي اهو چوندس ته داخلا ۽ اسڪالرشپ (اندروني ۽ بيروني ملڪ) جي باري ۾ پڻ ڄاڻ فراهم ڪئي وڃي ته بهتر ٿيندو.

 

[مست]

سب فورم هجڻ جي ڪري ان تي گهڻي ڀاڱي ڪا سرگرمي نه ٿي ٿئي، نمايان هجڻ جي صورت ۾ ان ۾ پوسٽون ڪرڻ ۾ سولائي ٿيندي