جيڪو به جزوي تضادن ۾ الجهندو، اهو اصلي ۽ بنيادي تضادن کان پري ٿي ويندو، جيڪو به نسلي تضادن ۾ ڦاسندو اهو غلاميءَ وارو بنيادي قومي ۽ وطني تضاد وساري وٺندو. جيئن شگر جي مرض کي ام الامراض ( بيماريئن جي ماءُ ) چوندا آهن تيئن غلامي به بيماريئن ۽ بدبختيئن جي ماءُ آهي. جيڪا پنهنجا ٻچا ڏيندي آهي ۽ هڪ ول جيان سڄي قومي وجود کي ويڙهي ويندي آهي. سنڌيو. ياد رکو، سنڌ جو اصلي، بنيادي، جياپي ۽ موت وارو تضاد، غلامي وارو تضاد آهي.
