سنڌ سلامت جي هڪ منفرد رڪن سان يادگار ملاقات....!!

محترم دوستو.. اڄ هڪ يادگار ملاقات جومختصر احوال توهان سان ونڊ ڪريان ٿو. هي ملاقات سائين عبدالله السندي صاحب سان ڪلهه 6 اپريل 2015 جي ڏينهن تي ٿي ۽ سائين جن سان ملاقات کانپو اهو ڏينهن منهنجي زندگي جو هڪ يادگار ڏينهن بڻجي ويو.

سنڌ سلامت جي منفرد رڪن سائين عبدالله السندي صاحب جن جا لک احسان جو پنهنجي قيمتي وقت مان ڪجهه وقت ڪڍي ڪلهه شام جو منهنجي غريب خاني تي پهتا. بيشڪ سائين عبدالله سان ملاقات جو شرف ملڻ هڪ وڏي خوشنصيبي جي ڳالهه آهي.

اصل ۾ سائين عبدالله جي حيدرآباد اچڻ جو گذريل هڪ هفتي کان انتظار هو، ڪڏهن پاڻ مصروف ته ڪڏهن مان مصروف. روزانو موبائيل تي ڪچهري ڪري ملڻ جا وچن ڪندي ڪندي نيٺ ملاقات وارو ڏينهن به اچي پهتو ۽ ڪلهه سائين سان ملڻ جون سڪون به لٿيون.

هي به هڪ عجيب اتفاق آهي جو جڏهن سائين عبدالله سان بنفس نفيس گلي مليس پئي ته ان وقت الله پاڪ جي ڪرم سان حيدرآباد جي گرم موسم به تبديل ٿي رهي هئي ، شام کان آسمان تي ڇانيل ڪڪرن ڦُڙ ڦُڙ وسائڻ شروع ڪئي ۽ ٿڌڙين هوائن ۽ کنوڻ جي چمڪاٽن هن ملاقات کي اڃا به وڌيڪ يادگار بڻائي ڇڏيو.

سائين عبدالله السندي سان گذاريل اهي گهڙيون ۽ ساڻس اسلامي توڙي مختلف موضوعن تي ڪچهري تمام گهڻي مفيد رهي ، سنڌ سلامت جي حوالي سان مذهبي سيڪشن ۾ ٿيندڙ متنازعه موضوعن تي به سائين جن کان ڪافي رهنمائي وٺڻ جو موقعو مليو ۽ سائين عبدالله جي ڪارآمد گفتگو سان منهنجي ڄاڻ ۾ تمام گهڻو اضافو به ٿيو.

سائين عبدالله السندي منهنجي لا هڪ اسپيشل تحفو به کڻي آيا هئا، جنهن کي ڏسي مان دنگ رهجي ويس. سچ پچ ان تحفي جو ڪو نعم البدل ٿي نٿو سگهي، اسلامي تحقيقي ڪم دوارن هن انمول تحفي جو استعمال نه صرف وقت بچائي ٿو پر هڪ ئي وقت تمام گهڻي معلومات ڏيندڙ به آهي.

مان سائين جن جو تهه دل سان ٿورائتو آهيان جو مون کي پنهنجي خدمت ڪرڻ جو موقعو ڏنو.
شل الله پاڪ سندن علم ۾ اڃا به وڌيڪ واڌارو ڪري ۽ کين وڏي ڄمار عطا ڪري. مان سندن صحت ، سلامتي ۽ خوشين لا هميشه دعاگو رهندس.

سائين عبدالله سان ملاقات جي هڪ يادگار تصوير​

 

سائين توهان جا ڀاڳ ڀلا جو هڪ عظيم انسان سان ملاقات جو شرف حاصل ڪيو.

 

ادا سليمان وساڻ سائين عبدالله سان منهنجي هي ٽين ملاقات هئي، سائين هميشه جلدي ۾ هوندا آهن ۽ ملڻ کان پو فورن موڪلائڻ جي ڪوششن ۾ هوندا آهن، مصروفيتن ۽ مختلف دوستن سان ملاقاتن جو شيڊيول سائين عبدالله کي هڪ جا تي سڪون سان ويهڻ ئي نه ڏيندو آهي. ٻي ڳالهه ته سائين عبدالله سان سڀ ملاقاتون حيدرآباد ۾ ئي ٿيون آهن.

مون کي ياد آهي ڪراچي ۾ توهان وٽ ادا افتخار علي چوهاڻ سان گڏ آيو هئس.

سائين عبدالله سان هي ملاقات انڪري به يادگار هئي جو سائين سان مختلف موضوعن تي دل کولي ڪچهري جو موقعو مليو ۽ سندس رفاقت ۾ وقت گذرڻ جو احساس ئي نه رهيو ۽ رات جو ڳچ عرصو جهٽ پٽ ۾ گذري ويو، آخر رات جي چئين وڳي سائين کي آرام ڪرڻ جي گذارش ڪيم ڇاڪاڻ جو ٻئين ڏينهن تي سائين کي ڪراچي به وڃڻو هو.

ادا عبيدالله ”عبيد“ ٿهيم صاحب ...سائين عبدالله صاحب سان ڪچهري ڪندي توهان جو ذڪر به نڪتو هو.

 

ماشا الله

 

سنڌ سلامت جو ذڪر ٿئي ۽ ادا ذيشان رشيد جو ذڪر نه ٿئي، ڇا اهو ممڪن آهي...؟
ادا ذيشان....سائين عبدالله جي ڪچهري ۾ توهان جو ، ادا سليمان وساڻ ، ادا نثارابڙو ۽ ادا عبدالحفيظ لغاري صاحب جو به ذڪر ٿيو هو. توهان سان ٿيل ملاقاتون ۽ خاص طور تي سنڌ سلامت ريسٽورنٽ جي مزيدار ڪڙهائي ۽ ادا نثار جي ٽوٽڪن واري بامعني گفتگو جو تذڪرو ٿيو هو.

سائين عبدالله کي اهو به ٻڌايو هئم ته ادا عبدالحفيظ سان ملڻ جو اشتياق آهي ، پاڻ ادا سليمان ۽ ٻين دوستن سان گڏ حيدرآباد به آيا هئا پر بدقسمتي سان طبيعت جي خرابي سبب ساڻن ملاقات نه ٿي سگهي هئي. ان کان علاوه ٻيون به کوڙ ساريون ڳالهيون ٿيون.

 

انسان جو ميل ميلاپ ئي اصل ۾ علم ۽ ڏاهپ جو حاصل ٿئي ٿو ... هن ڪائنات ۾ انسان اڪيلو آهي ڪون ۽ نه وري اڪيلو گذاري سگهي ٿو ... انساني درياهه جي وهڪري ۾ ڪيترائي سهڻا انسان ملن ٿا جن جي علمي ۽ عملي تجربي مان لاڀ حاصل ٿئي ٿو ...
ميلا مچندا رهن، ڪاروان هلندو رهي ...
اوهان سڀني سڄڻن کي سنڌ سلامت ساٿ سلامت

 

سائين عبدالله السندي سان الوداعي ملاقات جون تصويري جهلڪيون

سائين عبدالله صاحب 14 اپريل 2015ع تي ڪراچي مان واپس حيدرآباد خيريت سان پهتا، هي تصويرڄامشورو ڦاٽڪ تي نيو دلبر ريسٽورنٽ تي نڪتل آهي.




ڪلينڪ تي نڪتل يادگار تصويرون​

 

دلبر هوٽل............. مطلب ته اوهان ويجها ئي آهيو