تلهار جي تاريخ دستاويزي سهيڙ

'ڪتابن تي تبصرو' فورم ۾ سليمان وساڻ طرفان آندل موضوعَ ‏13 اپريل 2015۔

  1. سليمان وساڻ

    سليمان وساڻ
    مينيجنگ ايڊيٽر
    انتظامي رڪن لائيبريرين

    شموليت:
    ‏6 آڪٽوبر 2009
    تحريرون:
    16,934
    ورتل پسنديدگيون:
    27,264
    ايوارڊ جون پوائينٽون:
    533
    ماڳ:
    سچل ڳوٺ ، ڪراچي
    [​IMG]

    تلهار سنڌ جي لاڙ پاسي جو بدين ضلعي جو شهر آهي جيڪو هاڻي تعلقي جي حيثيت اختيار ڪري چڪو آهي. تلهار شهر تي محترم عبد الشڪور ايم کتري جو لکيل ڪتاب ”تلهار جي تاريخ“ منهنجي هٿن ۾ آهي. هي ڪتاب تلهار بابت هڪ دستاويز جي حيثيت رکي ٿو. تلهار بابت اڳ ان قسم جي ڄاڻ ڪٿي به موجود ڪانه هئي پر سائين عبدالشڪور نه صرف ان کي انٽرنيٽ تي آندو آهي پر ان سان گڏ سڀني لکڻين، ڊيٽا ۽ ڄاڻ کي سهيڙي ڪتابي شڪل ۾ آندو آهي. هي ڪتاب اڳتي لاء تلهار جي تاريخ لکندڙن لاء هڪ رهنما جي حيثيت ماڻيندو. تلهار شهر بابت تاريخي، سياسي، سماجي، ادبي حوالي سان سڀ ڪجهه موجود آهي. جيتوڻيڪ هي ڪتاب تلهار ۾ به ڪافي ماڻهن جي+ تنقيد جو نشانو بڻبو ڇو ته ليکڪ سان ماڻهن جو رويو هاڪاري گهٽ ئي رهيو آهي. ڪتاب ۾ تلهار ۾ رهندڙ ذاتين، تلهار جي اوليائن ۽ انهن بابت روايتن، تلهار جي سياسي تاريخ، سياسي شخصيتن، تلهار جي تاريخي بلڊنگز، روڊن، ڊاڪٽرن ،استادن، اسڪولن، سماجي تنظيمن، ادبي ۽ علمي شخصيتن، سميت ڪجهه عام مضمون ۽ ڄاڻ به شامل ڪئي وئي آهي.
    هي ڪتاب پڙهي مونکي به تلهار بابت گهڻي ڄاڻ ملي. سائين عبد الشڪور جس لهڻو جو ايڏو وڏو ڪم اڪيلي سر ڪيو اٿس. سندس لکائي موتي جي داڻن مثال آهي. سندس لکيل هٿ اکر ۽ خط مون سانڍي رکيو آهي.
    پڪي جلد، رنگين ٽائيٽل، سٺي پيپر ۽ پلاسٽڪ ڪوٽنگ ڪور سان گڏ 200 صفحن تي مشتمل هن ڪتاب جي قيمت 400 روپيا آهي جيڪو ساحل پرنٽرز حيدر آباد پاران ڇپايو ويو آهي.
     
    2 ڄڻن هيء پسند ڪيو آهي.

هن صفحي کي مشهور ڪريو