ڳوٺاڻيون ڳليون.....(حسن درس)

[محمد اسلم عباسي]

(حسن درس)
ڳوٺاڻيون ڳليون
تنهنجيون ڳالهيون ڪن ٿيون

رستا ڀُڻڪن ٿا
چارا چُن چُڻ ڪن ٿا
سورج مُکي تي
ڀوءنرا ڀُڻ ڀُڻ ڪن ٿا
واڙين منجهه وليون
تنهنجيون ڳالهيون ڪن ٿيون

ڌڻ ڌنارن سان
موٽي اچن ٿا
دونهان ڌُڌَڙ سان
گڏجي نچن ٿا
چڙا، چنگ، ٽَليون
تنهنجيون ڳالهيون ڪن ٿيون

سُگهڙ هٿن جا
ٽوپا مُرڪن ٿا
اکيون سُمهن ٿيون
ڌاڳا جاڳن ٿا
سڄي رات رليون
تنهنجيون ڳالهيون ڪن ٿيون.

 

[عبيد ٿھيم]

سُگهڙ هٿن جا
ٽوپا مُرڪن ٿا
اکيون سُمهن ٿيون
ڌاڳا جاڳن ٿا
سڄي رات رليون
تنهنجيون ڳالهيون ڪن ٿيون.

لاجواب ونڊ

 

[راشد علي چانڊيو]

بهترين شاعري .