بي گناه ناحق خون ٿيل سنڌين جي نانءِ

[رسول بخش دائودپوٽه]

بي گناه ناحق خون ٿيل سنڌين جي نانءِ
__________________________________
روئي ٿي ماءُ رت ڳوڙها جيجل جيءُ خوش ناهين
جوان پٽ جنهن جو ماريو تو امڙ سنڌ جي ءُ خوش ناهين

ڪڍي ٿي ويڻ هت هي ڀيڻ ٻاڪاري ٻولي ٿي
هر هنڌ هوءَ ڳولي ٿي هن جو جيءُ خوش ناهين

ناحق خون ڪرڻ وارا پٽون توکي پاراتا هن
بکي هن پيٽ پالڻ لئه هليا تون جن تي خوش ناهين

جن توکي قتل ڪيو ۽ ڪري گم سنڌ ڀڃي ڇڏيا
تن کي تون پڄين ٿو ڪين مسڪينن تي خوش ناهين

ڪرين جي هوش تون مٺڙا سنڌ سان ساٿ ڏين هر پل
ڪرين ٿو حڪمرانيون ڀي چوين ٿو تون خوش ناهين

رسول بخش دائودپوٽه