سوشل نيٽ ورڪس جهڙوڪ فيس بوڪ، ٽوئٽر ۽ انسٽا گرام وغيره لاءِ “سوشل سيف” نالي هڪ اهڙو پروگرام موجود آهي جنهن ذريعي پنهنجا کاتا شامل ڪندي نه صرف توهان سڀئي اڪائونٽ هڪ ئي جاءِ تي ڏسي سگهو ٿا پر ان ذريعي پنهنجي سوشل نيٽ ورڪس تي موجود ڊيٽا جو بيڪ اپ پڻ حاصل ڪري سگهجي ٿو.. فرض ڪريو ته توهان فيس بوڪ تي رهي ڪري ڪنهن جاءِ تي ڪا اهڙي پوسٽ ڏٺي هئي جنهن کي توهان ٻيهر ڳولڻ چاهيو ٿا ته اهو ڪم ڪيترو نه ڏکيو هوندو.. ؟ پر جيڪڏهن توهان وٽ سوشل سيف انسٽال ٿيل هوندو ته توهان فيس بوڪ سميت سمورا سوشل نيٽورڪس تاريخن جي ترتيب سان توهان جي سامهون هوندا.. ۽ هڪ دفعو ڳولا ڪرڻ سان ئي توهان پنهنجي گهربل پوسٽ چاهي اها ڪنهن به پليٽ فارم تي هجي حاصل ڪري سگهندو... ان کان علاوه جيڪڏهن توهان سوشل نيٽ ورڪس تي تصويرون ۽ وڊيوز شيئر ڪندا رهندا آهيو ۽ انهن جو پاڻ وٽ بيڪ اپ ناهيو رکندا.. ته سوشل سيف جي مدد سان توهان پنهنجي سمورن اڪائونٽس ۾ موجود تصويرن ۽ وڊيوز جي سموري ڊيٽا پنهنجي پي سي تي بيڪ طور حاصل ڪري سگهو ٿا.. جنهن کان پوءِ پنهنجيون شيئر ڪيل تصويرون ٻيهر هٿ ڪرڻ انتهائي آسان ٿي پوندو.. وهم رکندڙ دوستن کي ٻڌائيندو هلجي ته سوشل سيف بلڪل محفوظ پروگرام آهي.. جيڪو توهان جي کاتن جا پاسورڊ يا ڊيٽا بلڪل چوري ناهي ڪندو.. ڇو ته سوشل سيف توهان جي سمورن کاتن جي ڊيٽا پنهنجي سرور بجاءِ سڌو سئون توهان جي پي سي تي ڊائونلوڊ ڪندو آهي.. ان کان علاوه توهان جي حفاظت لاءِ هن پروگرام تي پاسورڊ لڳائڻ جي پڻ سهولت موجود هوندي آهي ته جيئن توهان جو پي سي استعمال ڪندڙ ڪو ٻيو ساٿي توهان جي ڊيٽا تائين پهچ حاصل نه ڪري سگهي... سوشل سيف جي مفت واري ورجن ۾ صرف چار کاتا شامل ڪرڻ جي سهولت موجود آهي.. جيڪا يقينن گهٽ ناهي.. ها البته هن جي پئسن واري ورجن ۾ 20 کاتن تائين شامل ڪرڻ جي اجازت موجود آهي.. ان کان علاوه هن جي ڪمرشل ورجن ذريعي مختلف پوسٽس کي پي ڊي ايف ۾ پڻ تبديل ڪري سگهجي ٿو.. ته پوءِ هيترين سهولتن رکندڙ هن سافٽويئر کي هاڻي ئي ڊائونلوڊ ڪريو ته توهان حاصل ڪري سگهندو پوري هڪ مهيني يعني 30 ڏينهن لاءِ ڪمرشل ورجن جا سمورا فيچرز... www.socialsafe.net
يار اهو ڪم لاجواب ڪيو اٿئي ... اصل ڪم سولو ٿي پيو .... مونکي به سدائين تصويرن جي ضايع ٿيڻ جو ڊپ رهندو اٿم
