السلام عليڪم سنڌسلامت جا دوستو! اميد ته ٺيڪ ٺاڪ هوندا. وقت سان گڏوگڏ جتي انٽرنيٽ جي رفتار ۾ اضافو ٿيو آهي اُتي فائلز جي سائيز ۾ به گهڻو اضافو ٿيو آهي. تصويرن کان وٺي ڊاڪيومينٽس، گانن کان وٺي فلمن ۽ وڊيوز جي سائيز ڪٿي کان ڪٿي وڃي پهتي آهي!. انٽرنيٽ جي رفتار تيز هئڻ باوجود ڪابه فائل ايميل يا ڪٿي اپلوڊ ڪرڻ ۾ تمام گهڻي مشڪل پيش اچي ٿي، ان جو سبب وڏي سائيز ئي آهي. جيڪڏهن تصوير ننڍي سائيز ۾ به موڪلي وڃي ته ڪو مسئلو نٿو ٿئي، پر ان جي سائيز ڪيئن گھٽ ڪجي؟ اها اسان کي خبر ناهي هوندي. ان لاءِ اسان وڏي سائيز ۾ ئي تصويرون موڪليندا آهيون ۽ ان لاءِ گهڻو پريشان به ٿيڻو پوندو آهي. . اها ته ننڍي ڳالهه آهي پر اها توهان جي انٽرنيٽ جي بينڊوٿ تي اثر ڪري ٿي. تصويرن جي سائيز گھٽ ڪرڻ ته اڪثر ماڻهن کي اچي ٿي پر ان کان علاوه ڊاڪيومينٽس ۽ وڊيوز وغيره جي سائيز گھٽ ڪرڻ بابت ڪنهن کي به خبر ناهي هوندي. تقريباً سڀني فارميٽس جي فائلز کي آپٽمائيز ڪرڻ لاءِ صرف هڪ ئي پروگرام ڪافي آهي ۽ ان پروگرام جو نالو آهي ”فائل آپٽمائيزر“. هن پروگرام جي خاص ڳالهه آهي ته هن ۾ توهان جي ضرورت جي تقريبن سڀني فارميٽس جي سپورٽ موجود آهي. گانا، وڊيوز، تصويرون ۽ ڊاڪيومينٽس وغيره جي مشهور فارميٽس جي سپورٽ هن ۾ موجود آهي. ياد رکو ته هي فائل کي آپٽمائيز ڪري ٿو يعني ان جو وزن گھٽائي ٿو . جيڪڏهن تصوير جي ڳالهه ڪئي وڃي ته ان ۾ موجود معلومات جنهنکي ميٽا ڊيٽا چون ٿا، ان ۾ موجود فالتو پگزلس وغيره کي ڊليٽ ڪري ان جو وزن گھٽائي ٿو . فائل آپٽمائيزر فائل جي ڪوالٽي متاثر ڪري ڪم ڪري ٿو، ان جي سائيز يعني ويڪر يا ڊيگھ گھٽ نٿو ڪري، بلڪه فائل کي هلڪو ڦلڪو ڪري ٿو پر جيترو ممڪن هُجي. اهڙي طرح اها فائل توهان جي لاءِ ايميل ڪرڻ يا ڪٿي اپلوڊ ڪرڻ انتهائي آسان ٿي وڃي ٿي. هن جي سڀ کان وڏي خوبي هن جو سڀني فارميٽس کي سپورٽ ڪرڻ آهي، اهڙي طرح ڪابه فائل هُجي ان لاءِ توهان کي الڳ پروگرام انسٽال ڪرڻو نه پوندو. جن فائلز جي سائيز گھٽ ڪرڻي هُجي انهن کي ڊريگ ۽ ڊراپ سان ان ۾ شامل ڪريو ، آپٽمائيز ڪرڻ کان پوءِ هي توهان کي ڏيکاريندو ته آپٽمائيزيشن کان پهرين سائيز ڪيتري هُئي ۽ آپٽمائيزيشن کان پوءِ هن جي ڪيتري سائيز آهي. جڏهن ته هِن ۾ توهان ڪوالٽي ڏِسندا ته ساڳي ئي هوندي جيڪا اڳ ۾ فائل جي هُئي. موبائل فون ذريعي وڊيوز ، تصويرون شيئر ڪرڻ کان پهرين هن پروگرام کان مدد وٺڻ وڏي ڪم اچي سگھي ٿو ڇو ته ڪوالٽي متاثر ڪرڻ کان بغير فائل جي وزن کي گھٽ ڪرڻ ان جي شيئرنگ کي آسان بڻائي ٿو. ان کان علاوه جيڪڏهن توهان ويب ڊيولپر آهيو ته پنهنجي فائلز هِن جي ذريعي آپٽمائيز ڪري انهن کي تمام هلڪو ڦلڪو ڪري سگھو ٿا ، جنهن سان ويبسائيٽ لوڊنگ ۾ پڻ گھٽ وقت وٺندي. فائل آپٽمائيزر سافٽويئر اوپن سورس تحت بلڪل مفت ۾ موجود آهي ، ڊيولپر دوستن لاءِ هِن جو سورس ڪوڊ پڻ هِن جي ويبسائيٽ تي ڊائونلوڊنگ لاءِ موجود آهي. ڊائونلوڊ ڪرڻ لا ڪلڪ ڪريو.
ٽيگ ڪجي ٿو : سليمان وساڻ ، عبدالحفيظ لغاري ، ذيشان رشيد ، فاروق سومرو ، ابو واصف ، عبدالغني لوهار ، سجاد علي چنا ، سجاد علي سومرو .
