جبار آزاد منگي
سينيئر رڪن
موجوده دور ۾ ٻارن جو جهڙي طرح کائڻ پيئڻ، رهڻ ڪرڻ ٿي رهيو آهي ته ٻار به شگر جا مريض ٿي سگهن ٿا. پهريان هي بيماري 35 سالن جي عمر جي ماڻهن ۾ ٿيندي هئي، پر اڄڪلهه نوجوان ۽گهٽ عمر جي ٻارن کي به هن بيماري پنهنجي گهيري ۾ آڻي ڇڏيو آهي.ٻارن ۾ ٿيندڙ پهرئين قسم جي هن بيماري ۾ گلينڊ درست طريقي سان ڪم نٿي ڪري. پينڪريز سان انسولين ۽ گلوڪوز جهڙا ڪيترائي هارمونس نڪرندا آهن. هونئن ته شگر کي انسولين ڏئي ڪنٽرول ڪري سگهجي ٿو، پر مڪمل طور تي ختم نٿو ڪري سگهجي. حقيقت ۾ سمورن سيلز کي مٺاڻ پهچائڻ ۾ انسولين مدد ڪندي آهي. انهي سان سيلز کي لڳاتار توانائي ملندي رهندي آهي انهي لاءِ اهي سيلز صحيح طريقي سان ڪم ڪندا رهندا آهن. شگر ٻارن کي سندن غلط خوراڪ ، کائڻ پيئڻ، لاپرواهي جي ڪري ٿئي ٿي. انهي سان ٻارن ۾ انسولين گهٽ مقدار ۾ ٺهندي آهي يا وڌيڪ اثر ناهي ڪندي. شگر جي شڪار ٻارن جو 95 سيڪڙو پهريون قسم ٿيندو آهي.
انسولين ٺهڻ تمام ضروري آهي. هن بيماري دوران جسم ۾ انسولين جي گهٽتائي سبب ٻار جي حالت تمام جلد خراب ٿي سگهي ٿي. ان حالت ۾ رت ۾ ايسڊ ٺهندو آهي. ننڍن ٻارن ۾ پهرين قسم جي شگر تمام گهٽ ڏسڻ ۾ ايندي آهي. جيڪڏهن ٻار جسماني طور تي سرگرم ناهي ۽ هو ٻاهر جسماني سرگرمين ۽ راند کي وقت نه ٿو ڏئي اهو ٻار شگر جو مريض ٿي سگهي ٿو. اڄڪلهه ٻار چپس ۽ فاسٽ فوڊ جا ديوانا آهن پر اهي شيون انهن جي صحت جي لاءِ نقصانڪار آهن. ٻارن کي گهرجي ته هو گهر کان گهٽ ۾ گهٽ هڪ ڪلاڪ ٻاهر نڪري ڪري کيڏن ۽ گهٽ غذائيت واريون شيون کائن. حمل دوران شگر جي مريض ماءُ جي پيٽ ۾ پلجندڙ ٻار کي به خطرو هوندو آهي. شگر کان متاثر ٻار جسماني ۽ ذهني طور تي مڪمل صحتمند هوندا آهن. انهن کي صحت مند رهڻ لاءِ برابر انسولين ڏيڻ جي ضرورت هوندي آهي