ڪاڳرن کي اسڪين ڪري انهن جي پي ڊي ايف فائلزجي سائيز تمام گهڻي ٿيندي آهي.. جنهن جو سبب هوندو آهي انهن جي هائي ريزيولوشن .. اڪثر اهڙيون فائيلز اي ميل ڪرڻ يا ڪاٿي اپلوڊ ڪرڻ جي ضرورت پوي ته ڪم تمام ڏکيو ٿي ويندو آهي.. اهو ئي سبب آهي جو سليمان وساڻ اڪثر ملندڙ اهڙن ڪتابن کي سنڌ سلامت لائيبريري ۾ شامل ڪرڻ کان به قاصر رهندو آهي... هتي دوستن جي سهولت لاءِ هڪ سافٽويئر “پي ڊي ايف ڪمپريسر” جو ذڪر ڪندس .. جيڪو اهڙي مشڪلاتن کي آسان ڪرڻ لاءِ موجود آهي.. هي وذني ۽ تصويرن سان جڙيل پي ڊي ايف فائيل جي سائيز کي حيران ڪن حد تائين يعني ڪمپريشن جو ريشو 23 سيڪڙو تائين گهٽائي ٿو.. ٻين لفظن ۾ 30 ايم بي فائيل کي ري سائيز ڪندي 8 ايم جي سائيز تائين آڻي ٿو... اهو به اهڙي طرح جو ان جي ڪوالٽي متاثر نه ٿئي... اهڙي طرح توهان جي ڪمپريسڊ ٿيل فائلز کي اي ميل ڪرڻ، اپلوڊ ڪرڻ يا اسڪائيپ تي چيٽ دوران موڪلڻ سولو ٿيو وڃي.. هن سافٽويئر ذريعي جيڪڏهن ڊاڪومينٽس فائيل کي ڪمپريس ڪجي ته هي اصلي فائيل جي هڪ ڪمپريسڊ شده فائيل الڳ سان ٺاهي ساڳي فولڊر ۾ محفوظ ڪندو آهي ته جيئن اصلي فائيل پنهنجي اصلي حالت ۾ الڳ سان محفوظ رهي... پر جيڪڏهن توهان وٽ اسٽوريج جو به مسئلو هجي ته توهان اصلي فائيل جي مٿان اوور رائيٽ پڻ ڪري سگهو ٿا... ان طرح وذني پي ڊي ايف فائلز تي موجود ترميم نه ڪرڻ جي پابندي به ختم ڪري سگهي ٿو.. ان کان علاوه هن کي استعمال ڪرڻ لاءِ ايڊوبي ايڪروبيٽ ريڊر جو انسٽال ڪرڻ به ضروري نه آهي.. رڳو 2.6 ايم بي جو حامل هي سافٽويئر ڊائونلوڊ ڪرڻ لاءِ سندن آفيشل سائيٽ جو ڦيرو ڀريو..
زبردست يار ... مون وٽ کوڙ سارا ڪتاب آهن جن جي سائيز اسڪين هجڻ سبب وڏي آهي. هاڻي مسئلو ڪجهه آسان ٿيندي نظر پيو اچي. مان اڄ ئي انسٽال ڪري ان کي ڏسي ٿو وٺان. لک لائق .... شاندار شيئرنگ لاءِ
