پڪ سان توهان کي ”اينڊرائيڊ ڊوائيس مينيجر“ سورس ياد هوندي !. گوگل پاران اها سروس 2013 ۾ متعارف ڪرائي وئي هئي ته جيئن ان سان توهان پنهنجي اينڊرائيڊ فون کي ڳولهي سگهو ۽ ان ۾ موجود توهان جو ذاتي ڊيٽا ختم ڪري سگهو.
google.com/android/devicemanager
هن سروس کي استعمال ڪرڻ لا توهان کي پنهنجو جيميل اڪائونٽ فون ۾ شامل رکڻو پوندو آهي. ڪجهه ڏينهن پهريان گوگل ”فائنڊ مائي فون“ جي نالي سان هڪ ٻي دلچسپ سروس متعارف ڪرائي آهي، هونئن ته توهان ڏٺو هوندو ته گوگل جي باري ۾ مشهور آهي ته اهو سڀ ڪجهه ڳولهي سگهي ٿو. پوري دنيا جي معلومات کان علاوه هاڻ ته گوگل ڪنهن جي عمر، قد يا وزن پڇندا ته اهو ته ٻڌائيندو. سڄو ڏينهن مخلتف شيون ته اسان گوگل تي ڳوليندا رهون ٿا ، هاڻي توهان گوگل تي پنهنجو فون به ڳولهي سگهو ٿا ۽ اهو به تمام آساني سان ، ان لا توهان کي بس گوگل ۾ هي لکڻو آهي.
find my phone
پر گوگل کي ڪم ڪرڻ لا ڪجهه شيون گهرجن ٿيون. ڀلا ٻڌايو ته گوگل کي ڪيئن خبر پوندي ته توهان جو فون ڪهڙو آهي ۽ ڪٿي آهي ؟
ته ان لا ضروري آهي ته توهان برائوزر ۾ اُن جيميل اڪائونٽ سان لاگ اِن ٿيو جيڪو توهان جي فون ۾ موجود هو. بلڪه لاگ ان ٿيڻ باوجود هڪ ڀيرو ٻيهر تصديق ڪرڻ لا لاگ اِن ڪرڻ جو چيو ويندو.
ان کان علاوه فون تي انٽرنيٽ جو چالو هُجڻ به ضروري آهي نه ته گوگل وٽ جيڪا آخري معلومات هوندي اها فراهم ڪندو. اهو به تمام ضروري آهي ته فون تي لوڪيشن سروس فعال هُجي، نه ته ان جي جا ڳولهڻ مشڪل ٿي پوندو.
صحيح لاگ ان ڪرڻ سان ئي نقشي تي توهان جي فون جي جا ڏيکاريندو، ايترو ئي نه هِتي فون تي رنگ (Ring) وڄائڻ جو آپشن به ڏنو ويو آهي. جيڪڏهن توهان پنهنجو فون ڳولهي رهيا آهي ته هن آپشن کي استعمال ڪندي فون جي رنگ ٽون به وڄائي سگهو ٿا.
اينڊرائيڊ ڊوائيس مينيجر وانگي هتان توهان پنهنجي فون ۾ موجود ڊيٽا ختم نٿا ڪري سگهو، ان لا اينڊرائيڊ ڊوائيس مينيجر ئي انسٽال ڪرڻو پوندو. ها! ان کي جلدي ڳولها ڪرڻ لا استعمال ڪري سگهجي ٿو ڇو ته هِن ۾ اينڊرائيڊ ڊوائيس مينيجر وانگي ڪابه ايڪٽيويشن گهربل نٿي هُجي.
