ڏهين جون تي نوري آباد ۾، سنڌين کي ٿورائيءَ ۾ تبديل ٿيڻ کان بچائڻ لاءِ مظاهري جي حمايت ڪرڻ گھرجي

[محمد خان سيال]

سنڌ اندر سنڌين کي ٿورائيءَ ۾ بدلائڻ کان بچائڻ لاءِ، ڏهين جون تي هڪ سنڌي قوم پرست تنظيم ـ جسقم، نوري آباد ۾ احتجاجي مظاهري جو پروگرام رٿيو آهي ـ سياسي ويڇن جي باوجود سڀني سنڌين کي گذارش آهي ته انهيءَ مظاهري ۾ ضرور شريڪ ٿين ڇاڪاڻ ته اها درست مقصد ڏانهن، درست وک آهي ـ
ساڳي وقت سنڌ جو درد رکندڙ قومپرستن سميت، سڀني تنظيمن کي گذارش آهي ته هو پنهنجا سياسي ويڇا وساري، سنڌ اندر سنڌين کي ٿورائيءَ ۾ ٿيڻ کان بچائڻ لاءِ گھٽ ۾ گھٽ هڪ نقطي تي وسيع اتحاد جوڙن ۽ سنڌ جي اهم شهرن ۾ گھٽ ۾ گھٽ هر پندرهين ڏينهن مظاهرو ڪن ـ
هن وقت سنڌ اندر ڪرپٽ زرداري سرڪار، سنڌ جون قيمتي زمينون ڀڳڙن مٺ تي وڪڻڻ جي سازش ۾ شامل آهي ۽ اهڙي ريت سنڌ دشمنيءَ واري پاليسيءَ جي دڳ تي هلي رهي آهي ـ
منهنجي خيال ۾ سنڌ جو اهم مسئلو سنڌين کي ٿورائيءَ ۾ بدلائڻ کان بچائڻ آهي ـ اچو ته سڀ گڏجي انهيءَ عظيم مقصد جي پٺڀرائي ڪريون ۽ سنڌ ڌرتيءَ جي حقيقي خدمت ڪريون ـ