ڇا اها دانشمندي آهي ته پهريان کان موجود اسڪولن جي ڪارڪردگيءَ کي بهتر بنائڻ بجاءِ غيرسرڪاري تنظيمن جي مدد سان خانگي تعليم کي پروموٽ ڪيو وڃي ؟ سنڌ ۾ ڪيتريون ئي غير سرڪاري تنظيمون يعني اين جي اوز ڪم ڪري رهيو آهن ،اهي تنظيمون ملڪي ۽ غيرملڪي ادارن جي سهڪار سان ڪم ڪري رهيون آهن پر ڪو اها ڄاڻ ڏيندو ته اهي رزلٽ ڇا ڏيئي رهيون آهن؟ اڳواٽ موجود سرڪاري اسڪولن جي سرشتي کي برباد ڪري خانگي اسڪولن کي فنڊ ڏيئي هٿي ڏني پيئي وڃي پوءِ اهو اسڪول ملير لانڍيءَ جو هجي يا وري نوشهري فيروز جو هجي جيڪب آباد جي ڪنهن ڳوٺڙي جو هجي يا بدين شهر جو ، اهو نٿو ڏٺو وڃي ته اتي جا ماڻهو فيسن جو خرچ ڀري سگھندا يا نه انهيءِ سان نه سرڪار کي نه ئي اين جي اوز کي ڪو سروڪار آهي.منهنجي خيال ۾ اهو خرڇ سرڪاري تعليمي ادارن جي بهتريءَ تي ڪيو وڃي ته جيئن تعليم مفت ۽ بهتر بڻجي عام ماڻهوءَ جي پهڇ ۾ اچي سگھي.
