مونجهارا پراڻن موضوعن ۾ شامل اهم تصويرون غائب...!!

[ممتاز قريشي]

مون کي سنڌ سلامت تي هڪ اهم مسئلو درپيش آهي. سخت پريشاني ۾ آهيان ته پنهنجن موضوعن ۾ انهن اهم تصويرن کي غائب ٿيڻ کان ڪيئن محفوظ رکجي...!!

سنڌ سلامت تي تصوير اپلوڊ ڪرڻ جو طريقو
سنڌ سلامت تي تصوير موڪلڻ هاڻي پهرين کان آسان

سنڌسلامت سکيا ۾ مٿين موضوعن جي مشورن تي عمل ڪندي مان پنهنجن اڪثر موضوعن ۾ جيڪي اهم تصويرون هونديون آهن انهن کي پهرين ڊائون لوڊ ڪندو آهيان ۽ پو پنهنجي پرسنل فيس بڪ پيج تي اپ لوڊ ڪري انهن جو لنڪ شامل ڪندو آهيان.

منهنجي خيال ۾ هي هڪ آسان ۽ ڪامياب طريقو آهي پر افسوس سان چوڻو پوي پيو ته منهنجن ڪافي پراڻن موضوعن ۾ هاڻ اهي تصويرون نظر نه پيون اچن..!!

آخر ايئن ڇو..؟ هن مسئلو جو ڪو ته حل هوندو...
ادا ذيشان رشيد ۽ ادا عبيدالله ”عبيد“ ٿهيم کي به رهنمائي لا عرض ڪريان ٿو.

 

[عبيد ٿھيم]

سنڌسلامت سکيا ۾ مٿين موضوعن جي مشورن تي عمل ڪندي مان پنهنجن اڪثر موضوعن ۾ جيڪي اهم تصويرون هونديون آهن انهن کي پهرين ڊائون لوڊ ڪندو آهيان ۽ پو پنهنجي پرسنل فيس بڪ پيج تي اپ لوڊ ڪري انهن جو لنڪ شامل ڪندو آهيان.

اهو مسئلو صرف توهان ۽ اسان سان ناهي بلڪه اهو انهن سڀني ويبسائٽس سان آهي جيڪي فيسبوڪ جون تصويرون پنهنجي پوسٽس ۾ لڳائين ٿيون.
فيسبوڪ وارا پنهنجو سرور تبديل ڪندا رهندا آهن، توهان جيڪا تصوير اڳ ۾ لڳائي هُئي اُن تصوير جي يو.آر.ايل کي ڪاپي ڪري ڪريو ۽ ساڳي تصوير جيڪڏهن فيسبوڪ ۾ پيل آهي ته ان جي يو.آر.ايل ڪاپي ڪري ٻنهي کي ميچ ڪرائي ڏِسو، هڪڙي ئي تصويرو جون ٻه يو.آر.ايل هونديون ۽ جيڪا اڳ واري يو.آر.ايل هوندي اُها ڪم نه ڪندي هوندي.
ان ڪري سنڌسلامت تي سڌوسنئون تصوير شامل ڪرڻ جو آپشن شامل ڪيو ويو آهي ته جيئن تصويرن کي وڌيڪ ضايع ٿيڻ کان بچائي سگهجي.

 

[ممتاز قريشي]

ادا عبيدالله ”عبيد“ ٿهيم ... سڌوسنئون تصوير اپ لوڊ وارو آپشن هوندي به ڪنهن ڪم جو ناهي. مون ڪئين ڀيرا ڪوشش ڪئي آهي پر تصويرون اپ لوڊ نٿيون ٿين.
هي جواب موڪليندي به مون هيٺ تصويرون کڻو جي سامهون ڪمپيوٽر مان آپشن کي باربار ڪلڪ ڪيو آهي پر مجال آهي جو ڪا تصويرون اپلوڊ واري ونڊو کُلي...!!

 

[عبيد ٿھيم]

ادا عبيدالله ”عبيد“ ٿهيم ... سڌوسنئون تصوير اپ لوڊ وارو آپشن هوندي به ڪنهن ڪم جو ناهي. مون ڪئين ڀيرا ڪوشش ڪئي آهي پر تصويرون اپ لوڊ نٿيون ٿين.
هي جواب موڪليندي به مون هيٺ تصويرون کڻو جي سامهون ڪمپيوٽر مان آپشن کي باربار ڪلڪ ڪيو آهي پر مجال آهي جو ڪا تصويرون اپلوڊ واري ونڊو کُلي...!!

توهان وٽ برائوزر ڪهڙو آهي ؟ ان جو مسئلو ته ناهي ؟
مون وٽ ته ڪم ڪري پيو..
تصوير اپلوڊ ڪري ڏِسان پيو.

 

[سليمان وساڻ]

اوهان بلڪل درست پيا چئو ... اهي مسئلا آهن اڪثر ٿيندا رهيا آهن، خاص ڪري فيسبوڪ جا مسئلا گهڻا آهن. اهي سدائين سيٽنگ تبديل ڪريو ڇڏين جنهن سبب تصوير ٻين فورمن تي نظر ڪانه ٿي اچي.

مان سمجهان ٿو ان جو ڪو متبادل يا پنهنجو سرور جوڙڻو پوندو. ان سلسلي ۾ دوست ذيشان رشيد کي ٽيگ ڪجي ٿو

 

[ممتاز قريشي]

ادا عبيدالله ”عبيد“ ٿهيم مون وٽ گوگل ڪروم برائوزر آهي ۽ اڄڪلهه ونڊوXP استعمال ڪريان پيو.

ادا سليمان وساڻ سنڌ سلامت تي پنهنجو سرور جوڙڻ تي ڪيترو خرچو ايندو..؟
جيڪڏهن رينج ۾ هجي ته پٽ سٽ ڪري به اهو ڪم ڪجي... آخر ڪيستائين جڳاڙن تي ڪم هلندو...
اپني گهوٽ دا نشا اور هووي....

 

[عبيد ٿھيم]

سنڌ سلامت تي پنهنجو سرور جوڙڻ تي ڪيترو خرچو ايندو..؟

سنڌسلامت لا پنهنجو سرور وٺي سگهجي ٿو، ڦُڙي ڦُڙي تلا ڪري وٺنداسين.
سرور جي قيمت سائين ذيشان رشيد کي خبر آهي.

 

[عبدالغني لوهار]

ادا ممتاز قريشي صرف اوهانجي موضوعن يا تحريرن ۾ اهو مسئلو ناهي سچ پڇو ته انتظاميه جي تقريبن سڀني عهديدارن جي ڪجھ پراڻين تحريرن يا موضوعن مان به تصويرون غائب آهن ۽ ادا عبيدالله ”عبيد“ ٿهيم جي ڳالھ به درست آهي فيس تي به توهانجي ذاتي البم وارين تصويرن جو به يو آر ايل چينج ٿي سگهي ٿو

 

[سليمان وساڻ]

ادا عبيدالله ”عبيد“ ٿهيم مون وٽ گوگل ڪروم برائوزر آهي ۽ اڄڪلهه ونڊوXP استعمال ڪريان پيو.

ادا سليمان وساڻ سنڌ سلامت تي پنهنجو سرور جوڙڻ تي ڪيترو خرچو ايندو..؟
جيڪڏهن رينج ۾ هجي ته پٽ سٽ ڪري به اهو ڪم ڪجي... آخر ڪيستائين جڳاڙن تي ڪم هلندو...
اپني گهوٽ دا نشا اور هووي....

ان سلسلي ۾ ذيشان رشيد جي جواب جو انتظار آهي ... ڇو ته ان بابت اسان کان وڌيڪ ڄاڻ اٿس

 

[رشيد سمون]

ادا عبيدالله ”عبيد“ ٿهيم ... سڌوسنئون تصوير اپ لوڊ وارو آپشن هوندي به ڪنهن ڪم جو ناهي. مون ڪئين ڀيرا ڪوشش ڪئي آهي پر تصويرون اپ لوڊ نٿيون ٿين.
هي جواب موڪليندي به مون هيٺ تصويرون کڻو جي سامهون ڪمپيوٽر مان آپشن کي باربار ڪلڪ ڪيو آهي پر مجال آهي جو ڪا تصويرون اپلوڊ واري ونڊو کُلي...!!

توهان غلطي ڪري رهيا آهيو.. “ڪمپيوٽر مان” ته آپشن آهي جيڪو باءِ ڊيفالٽ فعال آهي.. ڪمپيوٽر مان تصوير کڻڻ لاءِ توهان کي ڪمپيوٽر مان تي نه پر هيٺ موجود “تصوير کڻو” بٽڻ تي ڪلڪ ڪرڻو پوندو جنهن سان توهان اڳيان هڪ ونڊوز کلندي جيڪا توهان کي توهان جي تصوير جي لوڪيشن پڇندي ... لوڪيشن ڏيو.. ۽ پوءِ ايندڙ بٽڻن مان وچ واري بٽڻ اپلوڊ تي ڪلڪ ڪريو...
هڪ ٻيو اهم نقطو ته فيس بوڪ پنهنجي موجوده سيٽنگ ۾ سرور مٽائڻ سان گڏو گڏ تصوير جي يو آر ايل ۾ آخري ايڪسٽينشن (jpg.) کان پوءِ به ڪجهه عدد رکي رهيو آهي ... جيڪي دراصل ڊيٽا بيس آٽو جنريٽڊ هوندا آهن ۽ ان سان فيس بوڪ وارن کي ڄاڻ پوندي آهي ته هي تصوير ڪيترا دفعا ڏٺي وئي يا ڊائونلوڊ ڪئي وئي آهي .. هاڻي جڏهن اسان ان تصوير جو يو آر ايل ڪاپي ڪندا آهيون ته ان ۾ آخري ايڪسٽينشن (jpg.) کان پوءِ ڊيٽا بيس جنريٽڊ عدد پڻ ڪاپي ٿي ايندا آهن ۽ اهو يو آر ايل جڏهن هتي ويب سائيٽ تان آپشن مان اپلوڊ ڪيو ويندو ته سسٽم ان کي پڙهي نه سگهندو ۽ ايرر ڏيندو.. ان ڪري دوستن کي عرض ته فيس بوڪ سميت اڪثر ويب سائيٽس تان يو آر ايل ڪاپي ڪري ويب سائيٽ تان آپشن استعمال ڪرڻ بجاءِ تصوير کي ڊائونلوڊ ڪري ڪمپيوٽر مان آپشن ذريعي سنڌ سلامت تي اپلوڊ ڪريو ته ان سان مسئلا، مونجهارا يا ايررس گهٽ ايندا...

باقي جيتري قدر پراڻين تصويرن جي ختم ٿيڻ جو تعلق آه ته ان بابت اڳ ئي ساٿين معلومات ونڊ ڪري ڇڏي آهي... ها البته پنهنجي سرور وٺڻ جي جيتري قدر ڳالهه ڪجي ته ان ۾ رڳو قيمت جو دخل نه آهي.. ڇو ته اڄ وارو سرور جيڪو 24 هزارن جو آهي ان ۾ به گهڻي لميٽيڊ ئي سهي پر سهولت موجود آهي ۽ بهتر سرور جيڪو 30 هزارن کان شروع ٿو ٿئي... ۾ به سهولت ملندي .. پر مسئلو تڏهن ٿيندو جڏهن سنڌ سلامت جو اڳ ئي يونيڪوڊ بيسڊ وزنائتو ڊيٽا بيس وڌيڪ وزنائتو ٿي پوندو ۽ ان کي سنڀالڻ ۽ سهيڙڻ سولو نه رهندو.. اهو ئي سبب آهي جو اڪثر فورم بيسڊ يونيڪوڊ حامل ويب سائيٽ فورم تي سڌو سئون اپلوڊ ڪرڻ جي اجازت گهٽ ئي ڏين..

 

[ممتاز قريشي]

​

سبحان الله... ادا ذيشان رشيد .. وڏيون مهربانيون... هاڻ ڳالهه سمجهه ۾ آئي آهي....
مٿين تصوير ته آساني سان اپ لوڊ ٿي وئي آهي...
خوامخواهه ايترا ڏينهن فيس بڪ (بي وفا) تي ڀاڙيو ويٺو هئس...
هاڻ هن طريقي سان ئي تصويرون اپ لوڊ ڪندس. انشاالله.

باقي توهان جون "پنهنجو سرور ، وزنائتو يونيڪو بيسڊ ۽ فورم بيسڊ يونيڪوڊ حامل ويب سائيٽ فورم" ٽائيپ ڳالهيون پنهنجي سمجهه کان ٻاهر آهن..!!!

بس ايترو چوندس ته اڄڪلهه 500GB کان 2000GB تائين هارڊ ڊسڪ به آساني سان 6000 کان 10،000 تائين مليو وڃن ته ڇا اهو ممڪن نه آهي ته انهن جي اسٽوريج کي فورم جي ڊيٽا سيونگ لا استعمال ڪجي ته جيئن بقول توهان جي سنڌ سلامت جو يونيڪوڊ بيسڊ وزنائتو ڊيٽا بيس ڪجهه هلڪو ٿي سگهي...!! (اگر اها ڳالهه بيوقوفي واري هجي ته معاف ڪجو..!! )