VLC ميڊيا پليئر جون مزيدار ۽ فائدي واريون ٽپس..

[رشيد سمون]

يوٽيوب وانگر وي ايل سي پليئر پليئر به دراصل هڪ تعليمي پروجيڪٽ هو.. جيڪو ڪجهه شاگردن ملي ڪري بڻايو هو.. پر اڄ اهو پروگرام وڏي ۾ وڏو اوپن سورس ميڊيا پليئر آهي... هي هاڻي نه رڳو ڪامياب ميڊيا پليئر آهي پر هن جي بهترين فيچرس ذريعي ميڊيا فائيلز کي مختلف فارميٽ ۾ تبديل ڪري سگهجي ٿو، ڪنهن وڊيو جي هلندي اسڪرين شاٽ وٺي سگهجي ٿي، ڪنهن به وڊيو ته واٽر مارڪنگ ڪري سگهجي ٿي ۽ وڊيو جي سڪرين ريڪارڊنگ ڪري سگهجي ٿي.. ته پوءِ اچو ته هن موضوع ذريعي وي ايل سي ميڊيا پروگرام جون ڪجهه دلچسپ ۽ بهترين شيون سمجهون...

***********************​

وڊيو کي هڪ فارميٽ مان ٻئي فارميٽ ۾ تبديل ڪريو...
Media > Convert / Save تي اچو.. (اهو ڪم توهان Ctrl+R پريس ڪندي به ڪري سگهو ٿا) .. هاڻي کلندڙ ونڊوز منجهان Add بٽڻ تي ڪلڪ ڪريو.. ۽ پنهنجي مطلوبا وڊيو کڻو... ان کان پوءِ Convert/Save بٽڻ تي ڪلڪ ڪريو..

​

جنهن کان پوءِ ڊراپ ڊائون مينو منجهان پنهنجو گهربل ڪوڊيڪ چونڊيو .... فائيل کي محفوظ ڪرڻ لاءِ پنهنجي ڪمپيوٽر جي لوڪيشن ڏيو ۽ آخر ۾ Start بٽڻ تي ڪلڪ ڪندي تبديلي جو عمل شروع ڪريو...

​

 

[رشيد سمون]

وي ايل سي تي وڊيو هلائيندي پنهنجي پسند جو حصو وڊيو کان الڳ ڪري محفوظ ڪريو...

View > Advanced controls تي اچو ۽ Advanced controls آپشنس تي چيڪ لڳايو... جنهن سان وڊيو پليئنگ ڪنٽرول بٽڻ جي مٿان هڪ آپشن بار ظاهر ٿيندو... هاڻي وڊيو کي پنهنجي پسند واري حصي تي پهچايو ۽ ان بار مان ريڪارڊنگ بٽڻ دٻايو .. ان کان پوءِ جنهن جاءِ تي روڪڻ چاهيو ساڳي بٽڻ کي دٻائي وڊيو ريڪارڊنگ کي روڪيو.. (وڊيو کي ريڪارڊ ڪرڻ لاءِ شارٽ ڪٽ ڪي Shift+R ۽ روڪڻ لاءِ ٻيهر Shift+R استعمال ڪري سگهجي ٿي..)

​

جنهن کان پوءِ توهان جي ريڪارڊ ڪيل وڊيو ونڊوز جي ڊيفالٽ وڊيو فولڊر ۾ محفوظ ٿي ويندي پر جيڪڏهن توهان اها لوڪيشن تبديل ڪرڻ چاهيندا هجو ته Tools -> Preferences ->Input&codecs تي اچي ۽ Record directory or filename واري حصي ۾ لوڪيشن ڏيو...

​

 

[مصور عالم]

ڏاڍو معلوماتي ليک هميشه جيان. پر اسان انهن خفن ۾ پئون ئي ڪونه

 

[رشيد سمون]

ڏاڍو معلوماتي ليک هميشه جيان. پر اسان انهن خفن ۾ پئون ئي ڪونه

اڪثر اهڙن دل ٽوڙيندڙ جملن اسان کي اڃان تائين گوگل ٽرانسليشن جو پروجيڪٽ ئي مڪمل ڪرڻ ناهي ڏنو...

 

[رشيد سمون]

وي ايل سي ذريعي اسڪرين ريڪارڊ ڪريو..
Media > Capture Device تي اچي Play بٽڻ دٻايو..
ان کانپوءِ کلندڙ ونڊوز مان ريڪارڊ بٽڻ تي ڪلڪ ڪري اسڪرين ريڪارڊ ڪرڻ شروع ڪريو... (ياد رهي ته ريڪارڊ بٽڻ کي ڪلڪ ڪندي ئي ان ونڊوز کي منيمائيز ڪريو ته جيئن پنهنجي سرگرمين کي درست طور ريڪارڊ ڪري سگهو... ) اسڪرين ريڪارڊنگ کي بند ڪرڻ لاءِ توهان کي ٻيهر ريڪارڊ بٽڻ تي ڪلڪ ڪرڻو پوندو.. ائين ڪرڻ سان توهان جي ريڪارڊ ڪيل وڊيو... ونڊوز جي ڊيفالٽ وڊيوز فولڊر ۾ محفوظ ٿي ويندي...

​

 

[رشيد سمون]

وي ايل سي کي ويب ڪيم ريڪارڊر طور استعمال ڪريو...

media > Open capture device تي اچو ۽ capture mode کي Directshow طور رکو.. جنهن کان پوءِ Play بٽڻ تي ڪلڪ ڪريو... جنهن کان پوءِ جيئن ئي ويب ڪيم هلڻ شروع ٿئي ... Record بٽڻ تي ڪلڪ ڪريو...

​

ياد رهي ته View>Advanced controls تي چيڪ لڳل هجي ته جيئن ريڪارڊنگ بٽڻ ظاهر هجي...

​

 

[رشيد سمون]

وڊيو جي آڊيو ۽ وڊيو ڪوائلٽي کي بهتر بڻايو...

Tools > Effects and Filters تي اچو (ڪي شاٽ Ctrl+E) تي اچو جتي آڊيو ۽ وڊيو لاءِ ڪافي سارا آپشنس موجود آهن...

​

 

[رشيد سمون]

وڊيو ۾ واٽر مارڪ شامل ڪريو...

جيڪڏهن توهان کي وڊيو ايڊيٽر استعمال ڪندي ڪو واٽر مارڪ وڊيو ۾ شامل ڪرڻ ڏکيو لڳي ته توهان اهو ساڳيو ڪم وي ايل سي ذريعي پن ڪري سگهو ٿا... بس Tools > Effects and Filters تي اچو ۽ video effects ٽيب کولي پوءِ overlay ٽيب کوليو.. هتي برائوز ڪندي پنهنجو لوگو شامل ڪريو.. جنهن کي ٽاپ ۽ ليفٽ پڪسل جي سيٽنگ استعمال ڪندي پوزيشن ڏيو.. هڪ دفعو لوگو شامل ڪرڻ کان پوءِ وڊيو هلايو ۽ ريڪارڊ ڪريو.. جنهن کي محفوظ ڪريو ته محفوظ ڪيل وڊيو ۾ واٽر مارڪ شامل هوندو...

​

 

[عبيد ٿھيم]

وي ايل سي ذريعي اسڪرين ريڪارڊ ڪريو..
Media > Capture Device تي اچي Play بٽڻ دٻايو..
ان کانپوءِ کلندڙ ونڊوز مان ريڪارڊ بٽڻ تي ڪلڪ ڪري اسڪرين ريڪارڊ ڪرڻ شروع ڪريو... (ياد رهي ته ريڪارڊ بٽڻ کي ڪلڪ ڪندي ئي ان ونڊوز کي منيمائيز ڪريو ته جيئن پنهنجي سرگرمين کي درست طور ريڪارڊ ڪري سگهو... ) اسڪرين ريڪارڊنگ کي بند ڪرڻ لاءِ توهان کي ٻيهر ريڪارڊ بٽڻ تي ڪلڪ ڪرڻو پوندو.. ائين ڪرڻ سان توهان جي ريڪارڊ ڪيل وڊيو... ونڊوز جي ڊيفالٽ وڊيوز فولڊر ۾ محفوظ ٿي ويندي...

​

هل!!!!!! اهڙي زبردست فيچر جي هوندي به آئون ڪجهه ڏينهن اڳ ڏاڍو پريشان ٿيو هئس، ڪافي سافٽويئر ڊائونلوڊ ڪيا هئم پر سڀ بيڪار ثابت ٿيا..!
هاڻي ان کي آزمائبو..

 

[عبدالغني لوهار]

لک قرب ادا هميشه جيان سهڻي ونڊ

 

[سعيد سنڌي]

تمام بهترين ۽ ڪارائتيون ڳالهيون. جس لهڻو

 

[رشيد سمون]

وي ايل سي ذريعي سنيپ شاٽ وٺو.....

وي ايل سي جو هي فيچر مزيدار ۽ انتهائي آسان آهي... وڊيو هلائيندي جيڪڏهن توهان ڪو منظر پسند اچي وڃي ته رڳو Shift+S پريس ڪريو.. ۽ ان طرح وڊيو جي اسڪرين شاٽ ونڊوز جي ڊيفالٽ پڪچر فولڊر ۾ محفوظ ٿي ويندي...

​

 

[منصور سرور]

واه سائين
تمام بهترين ونڊ

 

[رشيد سمون]

پنهنجي وڊيو ۾ سب ٽائٽل شامل ڪريو...

اڪثر اسان جا دوست مشهور فلمون ان ڪري نه ڏسندا آهن ته اهي مارڪيٽ ۾ هندي يا اردو ۾ ڊبنگ سان نه آيل هونديون آهن... جڏهن ته انگريزيءَ ۾ مووي ڏسڻ سان انگريزي جي تڪڙي ۽ فعال انگريزي غور سان به سمجهڻ سولي نه هوندي آهي..
اهڙي صورت ۾ ساڳي مووي جا سب ٽائيٽل سب ٽائيٽل بينڪ تان ڊائونلوڊ ڪري وي ايل سي ۾ شامل ڪري ڏسي سگهجن ٿا... ان لاءِ Subtitle مينو تي ڪلڪ ڪري Add Subtitle File تي ڪلڪ ڪريو...

​

 

[رشيد سمون]

ڪنهن ميڊيا سورس ويب سائيٽ بجاءِ سڌو سئون وي ايل سي ذريعي وڊيو ڏسو....

يوٽيوب سميت مختلف ميڊيا سورس ويب سائيٽس تان ڊائريڪٽ وڊيو ڏسڻ لاءِ وڊيو جو يوآرايل ڪاپي ڪري Open URL آپشن Media مينو مان کولي ڪاپي ڪيل يوآرايل پيسٽ ڪريو.. وڊيوز کي سڌو سئون ڏسو...

​

 

[رشيد سمون]

ڪجهه تڪڙيون ٽپس...
وڊيو ڏسندي جيڪڏهن ڪنهن جاءِ تي توهان کي وڊيو کي اسپيڊ سان هلائڻو پوي ته ڪيبورڊ تان [ پريس ڪرڻ سان هر دفعي وڊيو جي سپيڊ ۾ 0.1x ۽ وري سپيڊ کي ڊيڪريز ڪرڻ لاءِ ] پريس ڪريو...
جيڪڏهن توهان ڪا ڊبڊ مووي ڏسي رهيا آهيو جنهن جون هڪ ئي وقت ۾ 2 زبانون شامل آهن ته انهن جي وچ ۾ سوئيچ ڪرڻ لاءِ ڪيبورڊ تان B دٻايو...
جيڪڏهن توهان وٽ ڪا وڊيو زپ ٿيل آهي ۽ توهان ان وڊيو کي هارڊ ڊسڪ ۾ اسپيس گهٽ هجڻ ڪري ايڪسٽريڪٽ ڪري هلائڻ نه ٿا چاهيو ته ان زپڊ فولڊر کي وي ايل سي ۾ شامل ڪريو وي ايل سي ان وڊيو کي ايڪسٽريڪٽ ڪرڻ کان سواءِ ئي هلائيندي..
ڪروم برائوزر وانگر وي ايل سي ۾ به هتي ڪلڪ ڪري ايڊان شامل ڪري ميڊيا پليئر جا فيچرس وڌائي سگهجن ٿا..
وي ايل سي جي ڊيفالٽ ٿيم کي تبديل ڪندي توهان هتي ڪلڪ ڪري ڪافي سارا مفت جا ٿيم ڊائونلوڊ ڪري انسٽال ڪري سگهو ٿا...

 

[عبدالرحيم]

تمام بهترين ٽپس آهن. پڙهي ڪري دل خوش ٿي ويو. نيون شيون سکڻ لائي مليون آهن. مهرباني.
سدا سلامت ۽ خوش هجو.

 

[سجاد علي خاصخيلي]

ادا تمام بهترين................