”جذبن جي ورسي“ شفق جو وقت هيو، ٻه ٽي دوست ڪچهري ڪري رهيا هئا سين، هڪڙي دوست چيو يار سڀاڻي منهنجي سالگره آهي، توهان سڀ اچجو گڏجي ملهائينداسين. ڪجھ دوستن چيو ها ضرور اچبو. مان خاموش هيس! خاموش ڏسي پڇيائين، يار تون نه ايندين ڇا؟؟ مون ڪوبه جواب نه ڏنو! وري ٻانهن کي ڌوڻيندي چيائين! يار تون نه ايندين ڇا؟؟ جواب ڏيندي چيم...!! آءُ سالگره نه پر ورسي ملهائيندو آهيان!!! هُن چيو ورسي ڇو، آهين ته جيئرو....؟ بس مان جواب ۾ ايترو ئي چئي سگهيس...!!! ها انهن جذبن جي ورسي، جن جو بي حسي سان قتل ٿيو، پر رت نه وهيو...!! انهن جذبن جي ورسي، جن کي پل پل زخم رسيا پر نظر نه آيا...!! انهن جذبن جي ورسي جن جي ٽٽڻ سان پل پل بي ساخته درد اڀريو، پر نشان نه مليو.......!!! سڀ خاموش ٿي ويا، ۽ هڪ هڪ ٿي ڪمري مان ٻاهر نڪري ويا. بس اڪيلو ئي رهجي ويس.
