ڪنهن جائي تي هڪ هوٽل ۾ سياح داخل ٿيو ۽ مالڪ کي هوٽل جو بهترين ڪمرو ڏيکارڻ لاءِ چئيو. مالڪ هن کي ڪمري جي چاٻي سان گڏ ڏسڻ جي اجازت ڏني. سياح ڪائونٽر تي 1000 جو نوٽ ايڊانس طور رکيو ۽ ڪمرو ڏسڻ هليو ويو. ان وقت اتي جو قاصائي، هوٽل جي مالڪ کان گوشت جي رقم وٺڻ لاءِ اچي ويو. هوٽل جي مالڪ اهو نوٽ کڻي قاصائي کي ڏنو انهي اميد سان ته همراه کي ڪمرو پسند ايندو. قاصائي اهو ساڳيون نوٽ مال جي واپاري کي ڏنو. مال جو واپاري وري هڪڙي ڊاڪٽر جو قرضي هو سو هن اهو 1000 جو نوٽ انهي ڊاڪٽر کي ڏنو. اهو ڊاڪٽر ڪجھ ڏيهن کان انهي هوٽل ۾ ترسيل هو، سو هن اهو نوٽ هوٽل جي مالڪ کي ڏنو. سو ساڳيو نوٽ وري اچي ڪائونٽر تي پهتو. همراه ڪمرو ڏسي واپس هيٺ ڪائونٽر تي آيو ۽ مالڪ کي چئين مونکي ڪمرو پسند نه آيو. اهو چئي سندس 1000 جو نوٽ کڻي ٿيو روانو.....!!!! اڪامانڪس جي هن قصي ۾ نه ڪنهن ڪجھ ڪمايو ۽ نه ڪنهن ڪجھ خرچ ڪيو، پرجنهن جائي تي سياح هي نوٽ کڻي آيو، اتي جي ڪافي ماڻهن جا قرض لهي ويا.
