آصف زرداري ڪڏهن پاڪستان موٽندو؟

[محمد خان سيال]

پ پ پ جو ڪو ـ چيئرمن ۽ اڳوڻو صدر پاڪستان، آصف علي زرداري پنهنجي تقرير ۾ فوج جي جنرلن کي اينٽ سيَ اينٽ بجانيَ جي ڌمڪي ڏيڻ کانپوءِ اوچتو دبئي هليو ويو آهي جت ڪيترن ڏينهن کان ترسيل آهي ۽ في الحال موٽڻ جو نالو ڪونه ٿو وٺي جڏهن ته سندس ڀيڻ فريال ٽالپر به، پنهنجي مڙس منور ٽالپرسان گڏ دبئي هلي وئي آهي ـ آصف زرداريءَ جو سڏيل ڀاءُ سيد مظفر ٽَپي، پنهنجي ڀاءُ جي موت جو ڪوڙو بهانو بڻائي لنڊن ۾ ٽڪيل آهي ـ
هاڻ عام ماڻهو پڇي ٿو ته آصف زرداري ڪڏهن ملڪ موٽندو؟ جڏهن ته ڪجھه ماڻهن جو خيال آهي ته آصف زرداري گرفتاريءَ جي ڊپ کان دبئيءَ ڀڄي ويو آهي ۽ ويجھڙائيءَ ۾ ڪونه موٽندو ـ