جڏهن به اسان کي مٿي ۾ سُور ٿيندو آهي، اسان ڪا گوريءِ دوا وٺندا آهيون. شايد اِها وقتي ته سُور ختم ڪرائي ٿي ڇڏي، پر جيڪڏهن مٿي ۾ سوراڪثر ٿيندو هُجي ته هر هر گوريون وٺڻ نون مسئلن کي جنم ڏيئي ٿوڇاڪاڻ ته اهي مختلف ڪيميڪلز جي ٺهيل هئڻ ڪري سائيڊ افيڪٽس ڪن ٿيون. تنهنڪري، جهٽ ۾ گوري دوا وٺڻ کان پهرين توهان اِها قدرتي علاج آزمائي ڏسو جنهن جو ڪو سائيڊ افيڪٽ به ڪونهي. گهربل سامان: ۲ ليمون صاف سٿرو پاڻي سامونڊي لوڻ طريقو: ليمون نچوڙيو ۽ اوترو ئي پاڻي وجهو جيترو ليمن جو جوس آهي. ڪجه لوڻ وجهو ۽ جي چاهيو ته برف به وجهي سگهو ٿا. شايد اهو اوهان جو پسنديدو مشروب نه هُجي، پر اهو ضرور مددگار ثابت ٿيندو ڇاڪاڻ ته لوڻ ۾ جھجھا اليڪٽرولائٽس هوندا آهن جيڪي توانائي جي مقدار کي وڌائن ٿا، سُور کي ختم ڪن ٿا، سيروٽنن جي مقدار کي برابر ڪن ٿا ۽ اميونٽي (بيمارين جي خلاف وڙهڻ جي سگھ) وڌائن ٿا. انهي کي ضرور آزمائي ڏسجو.
