محترم عطا محمد ڀنڀريَ سان عذرخواهي

[محمد خان سيال]

اسان نامياريَ دانشور۽ ليکڪ محترم عطا محمد ڀنڀريَ سان، سندس نوجوان پٽ راجا ڏاهر ڀنڀريَ جي قتل تي عذرخواهي ڪريون ٿا ـ مون ڪجهه ڏينهن اڳ به پوسٽنگ ڪئي هئي ته اسان محترم عطامحمد ڀنڀري جي ڪُٽنب جي انهيءَ مطالبي جي زوردار پٺڀرائي ڪريون ٿا ته سندن پٽ جيڪڏهن ڪو ڏوهه ڪيو آهي ته ان تي کُلي عدالت ۾ مقدمو هلايو وڃي ـ ائين کنڀيَ کڻڻ ۽ پوءِ انهن جا لاش ڦٽا ڪرڻ سان نفرتون وڌنديون، محبتون نه ـ

 

[عبدالڪريم چانڊيو]

ظالم، جابر، ڏاڍ ۽ ڏمر وسيلي حڪمراني ڪندڙن اڳيان ڪي به اصول ،اخلاقي قدر ۽ قانوني ضابطا ناهن هوندا . اهڙن ڇڙواڳ ماڻهن کي پاڻ کان وڌيڪ قوت ئي قانوني رستن ۽ طريقن تي هلڻ لا مجبور ڪندي آهي . سموري سنڌي قوم جڏهين لالچ، خود غرضي، سستي ،ڪاهلي ،اجائي ٽرڙائپ۽ وڏيرپ ڇڏي قومي ٻڌي ايڪي جي راهن تي هلندي ته پو ڪنهن به عطا محمد ڀنڀري جهڙي پٽن کي ،ڪو به اهڙي نموني سان شهيد ڪري نه سگهندو. اسان ڏکويل خاندان سان ڏک ۾ شريڪ ٿيندي ،اها دعا ٿا ڪريون ته سندن ڏنل قرباني رائگان نه ويندي ۽ ڪو اهڙو وقت ايندو جو .
نه ڪو رائر ڏيهه ۾ ، نه ڪا جهل نه پل ،
آڻيو وجهن آهرين ، روڙيو رتا گل ،
مارو پاڻ املهه ، مليرئون مان گهڻو .