ڪو زمانو هو ته سنڌ جا قومي ڪارڪن سياست کي عبادت سمجهندي سماجي بُراين کي روڪڻ ء سماجي بُراين کان پرهيز ڪرڻ کي پنهنجو جو فرض سمجهندا هئا. اهڙن آدرشي قومي ڪارڪنن جي سنڌ جي قومپرست سياست مان ڪنارا ڪشي بعد مفاد پرستن جي قومپرست سياست ۾ پير پائڻ بعد قومپرست سياست کي پنهنجي جاگير سمجهي غليظ تر غليظ قسم جا ڌنڌا قومپرستي جي نالي تي ڪرڻ شروع ڪيا ،اسان کي ڪنهن جي ذاتي زندگي تي تنقيد ڪرڻ جو ڪو حق ته ناهي. پر ڪنهن به مطلب پرست کي پنهنجي ڪنهن غلط عمل جهڙوڪ لينڊ مافيا ،چوري ، ڦر ،منشيات جي ڪاروبار ِيا ٺڳي جي ڪيس ۾ جيل وڃڻ کي سنڌ جي عشق سان منسوب قرار ڏيڻ جي ڪنهن کي اجازت ڪونه ڏينداسين جنهن سنڌ جي عشق ۾ سائين جي ايم سيد پنهنجي سموري حياتي توڙي شهيد ڪمال راهمون ، شهيد نظير عباسي ،شهيد سميع الله ڪلهوڙو، شهيد مظفر ڀٽو ، شهيد قربان کهاوڙ ،شهيد بشير خان قريشي سميت ٻين پنهنجو ريٽو ڏيئي امر ٿيا، ان سنڌ جي مقدس عشق جي نالي جي اوٽ ۾ ڪنهن مفاد پرست کي لڪڻ ، لڪائڻ سنڌ دوستي ناهي. سنڌ جي قومي ڪارڪنن ، شاعرن ، اديبن ، قلمڪارن ، دانشورن صحافين سميت تمام ساڃاھ وند حلقن کي سنڌ جي عشق جو واسطو آهي ته اهي اهڙن عنصرن تي پردو وجهڻ بدران انهن کي وائکو ڪرڻ ۾ پنهنجو ڪردار ادا ڪن
واقعي اها حقيقت آهي ته ڪافي قومپرست ليڊر سنڌ کي اڏوهي جيان کائي رهيا آهن ۽ نئين نسل کي پڻ تباهي جي طرف وٺي وڃي رهيا آهن!
