غزل

[سيد خادم سبحان ڏاڏاهي]

هڪ نظر سان ئي ٻُڏي دل جي ڪشتي وئي هلي
تنهنجي نيڻن جي سنڌوءَ، جي جڏهن ڇولي لڳي

ٽهڪ ڏيندي مور جيئن، ٽلندي پرين جو تو ڏِٺو
رنگ وِکِرِي ويا فِضا ۾ ، عيد يا هولي لڳي

تنهنجي زُلفن جي ڪمندن ،جو رهيو جيڪو اسير
توکان ٿيندي ڌار تَنهنکي،دنيا سڄي کولِي لڳي

ڳالھ دل جي مان زبان سان، پئي ڪري سگهيس مگر
لڙڪ لاڙِيندي اکين سان، ڳالھ بس سولي لڳي

گيت غزل بيشڪ ڀلا،آهن چيا شاعرن مگر
شاھ ڀٽائي جي جا وائي،ماءُ سندي لولي لڳي

ياد ناهين پر اي خادمَ، چهرو ٿو ڄاتَل لڳي
ڳالھ تُنهنجي هيءَ اندر ۾، ڄڻ ته ڪا گولِي لڳي

سيد خادم سُبحان ڏاڏاهي
بُڪيرا شريف
skhadimdadahi@yahoo.com

 

[سليمان وساڻ]

گيت غزل بيشڪ ڀلا،آهن چيا شاعرن مگر
شاھ ڀٽائي جي جا وائي،ماءُ سندي لولي لڳي


بهترين ... لاجواب