سچُ نه ماريو زهرَ- وَٽي،(آٿم ناٿن شاهي)

[عبدالرحيم گجراڻي]

ـَـسچُ نه ماريو زهرَ- وَٽي، بازي ويو سقراط کٽي.

گهورِي جانِ، وڃي ته وڃي،
ماڻهو مقصد کان نه هـَـٽي.

اڄ، ڪنهن جي دَرشن جي بک،
سـِـڪَ جو پـَـئي ٿي هانءُ چـَـٽي.

سامـُـنهن: نيڻ- نهارَ نه ڪا،
ڪيئن اڄوڪي سانـَـجهـَـه ڪـَـٽي؟

داڻو- داڻو ڌار نه ڪر،
ساٽي! دل جو سـَـنگُ سـَـٽي!

ڏاهپَ ڏاڍا ڏَنڀَ ڏنا،
ڏاتِ ڀريا ٿم ڏُک ڏَٽي(1) .

اهڙو ڪو چـَـنجورُ هجي،
پـِـيڙائن جي پاڙَ پـَـٽي.

آثم! سچ جو ساٿ ڏِجانءِ،
جيونُ جيڪي ڏِينهـَـن ٻه- ٽي!!

-----------------
(1) ڏٽي ڀرڻ = لتاڙي ڀرڻ (گهڻو ڀرڻ).
-----------

 

[رضوان علي جمالي]

ڏاهپَ ڏاڍا ڏَنڀَ ڏنا،
ڏاتِ ڀريا ٿم ڏُک ڏَٽي
مرشد ڀٽ ڌڻي فرمايو
الا ڏاهي مَ ٿيان ڏاهيون ڏک ڏسن