ڪمال درجي جو قرب آهي

[رسول بخش دائودپوٽه]

ڪمال درجي جو قرب آهي
__________________
ڪمال درجي جو قرب آهي ،نه وسري سگهيو سڀ ياد آهي
ڏونگر ڏکن جو ڏوري ڏوري ،شڪوه شڪايت نه فرياد آهي...
سور سختيون سر تي سهندي، ڏوجهرن ۽ ڏکن ۾ رهندي
حياتي بي حد بيتاب ڪيڙو، بره ۾ نينهن ناشاد آهي ...
سڳي ۾ پوتل سڪ جون سوچون، چاهتن ۾ سدان چرن ٿيون
هل هنگامو حب ڪري ٿي، بره ڪيو برباد آهي...
محبتن ۾ مانڌاڻ آهن ،بي چين ايڏو بره ڪري پيو
حب جي هلچل اڃا هلي پئي، درياه کي ڄڻ کاڌ آهي
او سهڻا سائين جيئو سدائين، دعائن جا تولئه دوار آهن
اکين ۾ تنهنجو عڪس اڃا آ،اوهان وٽ نه ڪو داد آهي ....

رسول بخش دائودپوٽه

 

[رضوان علي جمالي]

محبتن ۾ مانڌاڻ آهن،
مانڌاڻ ڇا آهي ؟؟؟؟؟؟؟؟

 

[رسول بخش دائودپوٽه]

مانڌاڻ سائين پريشاني جو عالم ،ڏچو ،هل هنگامو ن ......

 

[رضوان علي جمالي]

مانڌاڻ سائين پريشاني جو عالم ،ڏچو ،هل هنگامو ن .

سائين جڏهن کير ولوڙبو آهي ته چاڏيءَ ۾ اندر مانڌاڻي جو جيڪو عمل آهي ان کي مانڌاڻ سڏبو آهي

 

[رسول بخش دائودپوٽه]

جي بلڪل پر هتي هي پريشاني ،ڏچي جي طرف اشارو اهي هر لفظ جو جملي سان ملائڻ کان پو معني! مطلب ڪجه مختلف ٿيندو آهي ۽ زبر زير يا پيش جو سهارو به معنيٰ کي بدلائي ٿو ڇڏي ....جيئن پت ،پت جي پي کي زبر ڏبي ته معني! هڪ ۽ جي زير ڏبي ته معنيا ٻي ....وري جيئن عورو معنيٰ گهٽ ...پر جي جملي ۾ چئبو ته توهان جا ٿورا ته معني! ٻي ٿي ويندي ....وڌيڪ وس جا مالڪ آهيو سائين ......

 

[رضوان علي جمالي]

اوهان بلڪل درست آهيو
جڏهن چاڏي ۾ مانڌاڻي جو عمل کير مان لسي ۽ مکڻ لاءِ ٿي رهيو هوندو آهي ته عين ان وقت به کير لاءِ پريشاني هوندي آهي کير کي ابتيون سبتيون ڦيراٽيون اينديون آهن، ننڍڙا ٻارڙا جڏهن کيڏيندي گول ڦرندا آهن ۽ ڦري ڦري رڪجندا آهن ته رڪجي نه سگهندا آهن ٿيڙ ٿاٻيڙ کائي ٿاٻڙجندا آهن، محبت ۾ به اهائي مانڌاڻ هوندي آهي

 

[علي عباس]

واه سائين واه