ائنڊرائيڊ موبائل ۾ پروگرامز ۾ جتان ڪو به پروگرام ان انسٽال ڪبو آهي اتي ان انسٽال جي ڀرسان فورس اسٽاپ لکيل هوندو آهي ! اهو فورس اسٽاپ ڇا آهي ؟ ڇاجي لاء آهي؟
انهي ايپ کي زبردستي ڪم ڪرڻ کان روڪڻ لاءِ... ڇوته ڪيئي اهڙا پروگرام هوندا آهن جيڪي هر وقت يوزر جي اڳيان ڪونه هوندا آهن، پر پس پرده پنهنجو ڪو خاص ڪم پيا ڪندا آهن، مثال طور ڪو پروگرام نئين اپڊيٽ جي لاٰءِ پيو سروَر سان ڪنيڪشن جوڙيندو آهي ته ڪو وري بيڪ گرائونڊ ۾ پيو ڊائونلوڊنگ ڪندو آهي يا ڪو وري ڪنهن اِيوينٽ فائر ٿيڻ يا ڪنهن واقعي جي ٿيڻ جو انتظار پيو ڪندو آهي. مطلب ته ڪنهن نه ڪنهن نموني پروگرام ورڪنگ حالت ۾ هوندو آهي... اهڙي صورتحال ۾ جيڪڏهن توهان سمجهو ٿا ته ڪنهن خاص پروگرام جي ڪري ڊيوائس سِلو ٿي وئي آهي يا اهو پروگرام بيٽري يا سسٽم ريسورسز جو بي تحاشه استعمال پيو ڪري ته توهان انهي پروگرام کي اَن اِنسٽال ڪرڻ بجا ڪم ڪرڻ کان روڪي سگهو ٿا. ته جيئن انهي جي هلڻ ۽ نه هلڻ سان فرق صاف ظاهر ٿئي...
مطلب ته منهنجي پروگرامز ۾ اسڪائپي آهي ۽ اسڪائپي مان شايد مهيني ۾ هڪ دفعو استعمال ڪندو آهيان اگر انکي فورس اسٽاپ ڪيان ته صرف پس پرده نه هلي ۽ جڏهن انکي اوپن ڪيان ته اوپن ته ٿيندي نه؟ فورس اسٽاپ ۾ ٻيو ڪو نقصان ته ڪونهي نه؟
