اڄ جو تازه نظم ...ڄام شوري جو هوائون...

[رسول بخش دائودپوٽه]

اڄ جو تازه نظم دوستن جي نالي ڪجي ٿو
_______________________
ڄامشوري جون هوائون
_____________________

ڄامشوري جون هوائون سڪ سنديون هن جت صدائون
پيار ۾ پيڪر پيارا عشق ۾ ارڏيون ادائون.....

سنڌ سهڻو شهر پيارو علم جو ڀي اوج جت آ
يادون منهنجون تانگه ۾ هن پيار جون ڪن ٿيون پڇائون....

او يار ويندڙ ڄامشوري منهنجا کيون وڃ سڪ سلام
بيحد ادب مان جيءُ جهڪائي چئه چاهتن هن نگاهون....

باد صبا هت بره واري پئي گهلي خستوري خوشبو
سڀ بدن آ باه شعله پيون ٻرن برهن ۾ باهيون....

هاسٽل ۾ هل هنگامه شور آهن شوق جا
ڪي پراڻا ٽهلون ڪن ٿا پيندي ڪينٽين ويهي چاهيون .....
·
سڪ ۾ سوگها ساه سارا پيا هلن ڄڻ نينهن نارا
اي سي ٽو کان ايندي يارا سونهن ڏسندي ڪن پيا داهون....

يار ڦاٽڪ تي هجوم ۽سڪ سوسائٽي سماءُ
نينهن ۾ نروار ٿي المنظر تي آهن ڪن جون آهون....

سڪ جا سامي کوڙ سارا جوڙا جوڙا جيءَ جيارا
محبتن ۾ سڀ مهو هت ديد ۾ دلبر دعائون....

رسول بخش دائودپوٽه