ڏُکِيُون جان نه مِڙَنِ، تان تان ڀَنَڻُ نه ٿِيَي
ٻِيُون هُهِين هَٿَ هَڻَنِ، رُوئندِيُون رُئڻَ وارِيُون
سُرُ حُسَينِي سَسُئِي
ڏُکِيُون = ڏکن واريون، غمن واريون
جان = جيستائين
مِڙَنِ = ملن، گڏجن
تان تان = تيستائين
ڀَنَڻُ = رودن، ماتم، احتجاج
هُهِين = هونئن ئي، هروڀرو، ايئين ئي، اجائي
هَٿَ هَڻَنِ = پِٽِنِ، مُنهُن مٿو پِٽِنِ، ماتم ڪن
بيت جو پس منظر
~ ڏکويل تيسين نہ گڏبيون آهن، جيسين ڪو ماتم نہ ٿئي.
~ ٻيون اجايو هٿ هڻنديون آهن، منهن مٿو تہ ڏکن واريون پٽينديون آهن.
سمجهاڻي
پنهونءَ جو وڇوڙي کان پوءِ جڏهن سسئي آسرو لاهي مايوس ۽ نااميد ٿي تڏو وڇائي پار ڪڍي روئڻ لڳي هئي، تہ سهيليون کيس دلجاءِ ڏيڻ لاءِ اچي گڏ ٿيون هيون. پر سسئيءَ جي سڏڪن، آنهن، دانهن، رڙين ۽ وڇوڙي جي ورلاپن ۾ جيڪو درد سمايل هو، اُهو سندس سهيلين جي ڏيکاءَ واري ڏک ۾ نظر نٿي آيو.
ڀٽائي هن علامتي بيت ذريعي سمورن مظلوم ۽ محڪوم قومن ۽ ماڻهن کي گڏ ٿي، هر ڏاڍ، ظلم ۽ جبر جي خلاف احتجاج ۽ جدوجهد ڪرڻ جو سڏ ڏئي ٿو.
چونڊ، تحقيق ۽ تشريح محترم مظفر منگي صاحب جي ٿورن سان سندس فيسبوڪ وال تان ورتل
____
ٻِيُون هُهِين هَٿَ هَڻَنِ، رُوئندِيُون رُئڻَ وارِيُون
سُرُ حُسَينِي سَسُئِي
ڏُکِيُون = ڏکن واريون، غمن واريون
جان = جيستائين
مِڙَنِ = ملن، گڏجن
تان تان = تيستائين
ڀَنَڻُ = رودن، ماتم، احتجاج
هُهِين = هونئن ئي، هروڀرو، ايئين ئي، اجائي
هَٿَ هَڻَنِ = پِٽِنِ، مُنهُن مٿو پِٽِنِ، ماتم ڪن
بيت جو پس منظر
~ ڏکويل تيسين نہ گڏبيون آهن، جيسين ڪو ماتم نہ ٿئي.
~ ٻيون اجايو هٿ هڻنديون آهن، منهن مٿو تہ ڏکن واريون پٽينديون آهن.
سمجهاڻي
پنهونءَ جو وڇوڙي کان پوءِ جڏهن سسئي آسرو لاهي مايوس ۽ نااميد ٿي تڏو وڇائي پار ڪڍي روئڻ لڳي هئي، تہ سهيليون کيس دلجاءِ ڏيڻ لاءِ اچي گڏ ٿيون هيون. پر سسئيءَ جي سڏڪن، آنهن، دانهن، رڙين ۽ وڇوڙي جي ورلاپن ۾ جيڪو درد سمايل هو، اُهو سندس سهيلين جي ڏيکاءَ واري ڏک ۾ نظر نٿي آيو.
ڀٽائي هن علامتي بيت ذريعي سمورن مظلوم ۽ محڪوم قومن ۽ ماڻهن کي گڏ ٿي، هر ڏاڍ، ظلم ۽ جبر جي خلاف احتجاج ۽ جدوجهد ڪرڻ جو سڏ ڏئي ٿو.
چونڊ، تحقيق ۽ تشريح محترم مظفر منگي صاحب جي ٿورن سان سندس فيسبوڪ وال تان ورتل
____
