جيڪب آباد ڌماڪي سبب اسان کان وڇڙي ويل 15 ورهين جي انمول لاشاري جي مُرڪندڙ حياتيءجي تصوير انمول ڌماڪي کانپوء گهر پهتي ۽ چيائين هُن کي ڪجهه ناهي ٿيو پر بعد ۾ خبر پئي ته هن کي ڪجهه نه ڪجهه ٿيو آهي - اسپتال پهتا ته ڊاڪٽرن چيو هِن کي ننڍو زخم آهي، فوجي اسپتال پهتا ته انمول کي ڪراچي کڻي وڃڻ لاء چيائون، ڪراچي پهتا ته چيائون اوهان اچڻ ۾ دير ڪئي آهي، انمول پنهنجي حياتيء جا آخري پل جئي پئي - انمول پيء جي فرمائش تي آخري دفعو مرڪي ته سندس مُرڪ تصوير ۾ قيد ٿي وئي - انمول کي ڪن جي پردي ۾ ڇُرو لڳو هو جيڪو نيٺ موت جو سبب بڻيو - او ۔۔ انمول۔۔ اسان کي معاف ڪج ساگر سهندڙو جي فيسبوڪ وال تان ورتل
هي سين نه ڏيندي چين هن تصوير دماغ تي ديرو ڄمائي ڇڏيو آهي .... هي تصوير ۽ مُرڪ ڄڻ ته مونتي کلندي، چٿرون ڪندي ٿي رهي ته او سنڌ جا سنڌيو اوهان ڪيترين نياڻين، پٽڙن، نوجوانن، ڀائرن ۽ بزرگن، دوستن ۽ يارن جا لاش هن مذهبي دهشتگردي، رياستي ۽ سياست جي دهشتگردي ۾ وڃائيندا رهندا ؟؟؟؟ .... ڪيئي سوال آهن جيڪي جيءَ کي جهنجهوڙين ٿا ... مان بيوس ۽ لاچار بڻجي اکين مان لڙڪ ڳاڙي هن ڳالهه کي وسارڻ چاهيان ٿو، پر هي سين اکين اڳيان وڃي ئي نٿو هي سين نه ڏيندي چين
