ادا محمد ع سومرو...توهان تمام سٺي معلوماتي وڊيو ونڊ ڪئي آهي. ان سلسلي ۾ مون کي چند تحفظات آهن. جڏهن به ڪا نئين دوا عام استعمال ۾ شروع ڪئي ويندي آهي ته ان دوا جو مڪمل فارمولو، جسم ۾ ان جو ڪم ڪرڻ جو طريقو، جسم ۾ ان جا خراب ۽ سٺا اثر ، استعمال ڪرڻ جي مقدار ۽ ڪنهن بين الاقوامي مڃيل جرنل يا رسالي ۾ ان دوا تي ٿيل مختلف تحقيقي رپورٽون به دنيا آڏو پيش ڪيون وينديون آهن. مڪمل تفصيل ڄاڻڻ کانسواء ڪنهن به دوا تي اعتبار ڪرڻ يا رڳو انڊيا جي حڪومتي ادارن جي چوڻ تي اکيون ٻوٽي ڪا به دوا استعمال ڪرڻ پنهنجي صحت جو رسڪ ئي ٿيندو.
ممتاز قريشي ڀاء منهنجا توهان جي صلاح موجب مونکي اڳ۾ ان دوا ريسرچ ڪرڻ گهربو هيو پوء اها وڊيو اپلوڊ ڪرڻ گهربي هئي جيڪو ذري گهٽ ناممڪن آهي۰ فورم تي شيئر ڪرڻ جو مطلب آ ماڻهن کي ڏس ڏيڻ اڳتي جيڪو استعمال ڪري اهو پنهنجو اطمينان ڪري پوء واپرائي۰
ادا محمد ع سومرو... منهنجا تحفظات توهان تي نه پر مذڪوره دوا تي آهن. توهان جي ونڊ پنهنجي جاء تي مفيد آهي جو ان سان سڀني پڙهندڙن کي انڊيا ۾ عام وڪري لاء پيش ڪيل ان دوا بابت اهم ڄاڻ ملي رهي آهي. منهنجي ڪا ڳالهه ناگوار لڳي هجي ته معذرت. منهنجو مقصد توهان تي تنقيد نه پر تصوير جو هڪ ٻيو رخ به پڙهندڙن کي پهچائڻ هو ته جيئن عام پڙهندڙ هن قسم جي مختلف اشتهارن تي اکيون بند ڪري اعتبار نه ڪن بلڪه صحت ۽ بيمارين جي علاج بابت هر رخ کان غور ۽ فڪر ڪري پوء ڪنهن فيصلي تي پهچن.
