sarmadjosh
سينيئر رڪن
آئون تاريخ جي ڪتابن مان پنهنجا ٽڪرا گڏ ڪري رهيو آهيان
ڪجھ مورخن جو خيال آهي ته منهنجو شجرو
اوڀر ۾ هڪ سمنڊ سان ملي ٿو
عمر ۾ آئون موهن جي دڙي کان ڪيترا سال وڏو آهيان
اڃا اهو فيصلو نه ٿي سگهيو آهي
ويدن ۾ منهنجو به ڪنهن جاءِ تي ذڪر آيل آهي
تنهن زماني ۾
آئون پيار ۽ وڇوڙي جو ديوتا هوندو هئس
جيڪڏهن منهجي مورتي ڪٿان هٿ آئي ته ان پوڄارڻ جي هٿن جا لمس به جيئرا هٿ اچي سگهن ٿا
جنهن جون اکيون
جنگ ختم ٿيڻ واري لمحي جيتريون اداس ڪندڙ هونديون هيون
هن جي هٿن ۾ اچي
اڳ ۾ ڪيترن ئي مجسمن ۾ ساھ پئجي چڪو هو
آئون تاريخ جي ڪتابن مان پنهنجا ٽڪرا گڏ ڪري رهيو آهيان
هڪ قد آدم تصوير ۾
گمان جي اک
مونکي ڪيترا ڀيرا ڳولي لڌو ۽ يقين جي اک وڃايو آهي
پر چهري جي مماثلت ڪا اهميت نه رکندي آهي
آئون پنهنجي نسل مان ڪنهنکي به ياد نه رهيو آهيان
جنهن پٿر ته ان سنگتراش ڇوڪريءَ منهنجي شبيھ اڪيري هئي
ان جبل جو اڄ ڪنهن به صحيفي ۾ اشارو نٿو ملي
آئون تاريخ جي ڪتابن مان پنهنجا ٽڪرا گڏ ڪري رهيو آهيان
۽ وقت مون تي چٿرون ڪري ٿو
ايندڙ ڪجھ ڏينهن ۾
ٿي سگهي ٿو ته آئون ڪنهن پاڳل خاني ۾ پاڻ کي مڪمل حالت ۾ ڳولي هٿ ڪريان...!!
ايوب گل
ڪجھ مورخن جو خيال آهي ته منهنجو شجرو
اوڀر ۾ هڪ سمنڊ سان ملي ٿو
عمر ۾ آئون موهن جي دڙي کان ڪيترا سال وڏو آهيان
اڃا اهو فيصلو نه ٿي سگهيو آهي
ويدن ۾ منهنجو به ڪنهن جاءِ تي ذڪر آيل آهي
تنهن زماني ۾
آئون پيار ۽ وڇوڙي جو ديوتا هوندو هئس
جيڪڏهن منهجي مورتي ڪٿان هٿ آئي ته ان پوڄارڻ جي هٿن جا لمس به جيئرا هٿ اچي سگهن ٿا
جنهن جون اکيون
جنگ ختم ٿيڻ واري لمحي جيتريون اداس ڪندڙ هونديون هيون
هن جي هٿن ۾ اچي
اڳ ۾ ڪيترن ئي مجسمن ۾ ساھ پئجي چڪو هو
آئون تاريخ جي ڪتابن مان پنهنجا ٽڪرا گڏ ڪري رهيو آهيان
هڪ قد آدم تصوير ۾
گمان جي اک
مونکي ڪيترا ڀيرا ڳولي لڌو ۽ يقين جي اک وڃايو آهي
پر چهري جي مماثلت ڪا اهميت نه رکندي آهي
آئون پنهنجي نسل مان ڪنهنکي به ياد نه رهيو آهيان
جنهن پٿر ته ان سنگتراش ڇوڪريءَ منهنجي شبيھ اڪيري هئي
ان جبل جو اڄ ڪنهن به صحيفي ۾ اشارو نٿو ملي
آئون تاريخ جي ڪتابن مان پنهنجا ٽڪرا گڏ ڪري رهيو آهيان
۽ وقت مون تي چٿرون ڪري ٿو
ايندڙ ڪجھ ڏينهن ۾
ٿي سگهي ٿو ته آئون ڪنهن پاڳل خاني ۾ پاڻ کي مڪمل حالت ۾ ڳولي هٿ ڪريان...!!
ايوب گل
