سخي پيا کي ملين ته چئجان (ٻول)

[عبيد ٿھيم]

سخي پيا کي ملين ته چئجانءِ ته چاندني تو سواءِ نه ٿيندي
اچين ته منهنجي اُماس ۾ آ ڇوته ٻي رات ڪانه ٿيندي

ڪڏهن به تو تي دوار دل جا نه ٻوٽبا تون ڀلي هلي آءُ
ٻه لڙڪ آلا تڏهن به هوندا متان چوين آجيان نه ٿيندي

پکي پروڪا اڃان نه آيا اُڪير تن جي هُلي رهي آ
اداس سر تي هوا اُٿي ٿي چوي پئي ڪا اڏار ٿيندي

هي ديپ دونھاٽجي ڪڏھن نا لا ٽ جي لاٽ شال جرڪي
پرهه پري آ پتو نه آهي هي رات ڪيسين ڏوهارڏيندي

پرارتي ڪا پڪار آهي مگر اڳيان تک تار آهي
ڪٿي اسان جي پڪار آهي ”اياز“ کي ڪيڏانھن ناو نيندي


شيخ اياز