سنڌي هوشيار ٿين / ڪراچيءَ ۾ نئون ڦتنو شروع ٿيڻ وارو آهي

[محمد خان سيال]

سنڌي هوشيار ٿين جو ڪراچيءَ ۾ لساني تنظيم ايم ڪيو ايم جي، مڪاني ادارن جي چونڊن ۾ ڪاميابيءَ کانپوءِ مهاجر صوبي جي شڪل ۾ نئون ڦتنو شروع ٿيڻ وارو آهي ـ ايم ڪيو ايم جي ڪاميابيءَ کانپوءِ اردو ميڊيا به، پنهنجي پاليسي هڪ ڀيرو وري سندس فائدي ۾ تبديل ڪري ڇڏي آهي ـ

هاڻ مختلف پارٽين سان واسطو رکندڙ سنڌين کي گھرجي ته هو ڏينهن رات پاڻ ۾ ڏاڙهي پٽ ڪرڻ بدران، سنڌ جي وحدت کي برقرار رکڻ لاءِ ڳنڀيرتا سان سوچن ۽ هڪ ٿي وڃن ۽ سڀ گڏجي ايم ڪيو ايم جي سنڌ ڌرتيءَ سان غداريءَ کي وائکو ڪن ـ انهيءَ سلسلي ۾ سنڌي قومپرست به پنهنجو مکيه ڪردار ادا ڪن ٻي حالت ۾ تاريخ کين ڪڏهن به معاف ڪونه ڪندي ـ جن دوستن وٽ ڪي بهتر رٿون آهن، سي ڀلي هتي ڏين ـ