وڏو چاه ٿو گهرجي وڏو ويساه ٿو گهرجي

[رسول بخش دائودپوٽه]

وڏو چاه ٿو گهرجي وڏو ويساه ٿو گهرجي
____________________________

وڏو چاه ٿو گهرجي وڏو ويساه ٿو گهرجي
امڙ هن سنڌ سان اوچو وڏو اتساه ٿو گهرجي ..

سڀئي ير موسمون پياريون هتي هي چار جي آهن
سرءُ ساوڻ اونهارو هي سيارو پاه ٿو گهرجي....

سدان ٻهڪن هي ٻاٻيها سدان چهڪن چندرما چنڊ
اڀري جي منهنجي ڌرتي اهو چنڊ ماه ٿو گهرجي ...

ڀلاري ڀونءِ هي پياري رکون هن سان پنهنجي ياري
پائي اجرڪ کٿيون لويون دشمن داءُ ٿو گهرجي ......

اصل ۾ عشق ڌرتيءَ جو اوچائن ۾ وڏو اونچو
جنهن هي سڪ سمايل آ اهو همراه ٿو گهرجي ...

محبت سنڌ مٺڙيءَ سان ڪيو واجب اها آهي
لڳائي نينهن جا ناتا نڀائڻ واه ٿو گهرجي ...

رسول بخش دائودپوٽه

 

[سليمان وساڻ]

لڳائي نينهن جا ناتا نڀائڻ واه ٿو گهرجي ...


واهه ... لاجواب

 

[عاشق سولنگي]

وڏو چاه ٿو گهرجي وڏو ويساه ٿو گهرجي
امڙ هن سنڌ سان اوچو وڏو اتساه ٿو گهرجي ..

ڪھڙي ڳالھ ڪجي سنڌ جي عاشقن جو ۽ سنڌ جو خدا خير ڪري.